Rannís auglýsir eftir styrkumsóknum í Hljóðritasjóð
Hlutverk Hljóðritasjóðs er að efla hljóðritun á íslenskri tónlist. Veittir eru styrkir til að taka upp nýja, frumsamda íslenska tónlist og þannig er stutt við nýsköpun hennar.
Hljóðritin skulu kostuð af íslenskum aðilum en mega einnig vera samstarfsverkefni við erlenda aðila.
Styrkir eru veittir til ákveðinna verkefna að hámarki til eins árs.
Umsóknarfrestir eru tvisvar á ári í mars og september.
Næsti umsóknarfrestur er 15. mars 2019 kl. 16:00.
Umsóknum og lokaskýrslum skal skila á rafrænu formi.
Nánari upplýsingar á síðu Hljóðritasjóðs.
