Stjórn Nýsköpunarsjóðs námsmanna hefur ákveðið að framlengja umsóknarfrest í sjóðinn til 8. maí nk.

Vel yfir 200 manns sóttu rafrænan kynningarfund Samtaka iðnaðarins og Rannís um Tækniþróunarsjóð sem haldinn var 28. apríl sl.

Auglýst er eftir umsóknum um sérstaka styrki úr Tónlistarsjóði samkvæmt þingsályktun um sérstakt tímabundið fjárfestingaátak með styrkveitingum til menningar- og listaverkefna fyrir almenning.

Samtök iðnaðarins og Rannís kynna Tækniþróunarsjóð, Nýsköpunarsjóð námsmanna og skattfrádrátt vegna rannsókna- og þróunarkostnaðar á fjarfundi þriðjudaginn 28.apríl kl.12.30-14.00.

Samkvæmt þingsályktun um sérstakt tímabundið fjárfestingaátak til að vinna gegn samdrætti í hagkerfinu í kjölfar heimsfaraldurs kórónuveiru verður styrkjum veitt til átaksverkefna á sviði lista og menningar fyrir almenning. 

Í ljós þeirrar jákvæðu reynslu sem fengist hefur af starfsemi skrifstofu Norðurskautsvísindanefndarinnar (IASC) hefur Lilja Alfreðsdóttir, mennta- og menningarmálaráðherra samþykkt að framlengja starfsemi skrifstofunnar hjá Rannís á Akureyri um fimm ár. Starfsemi skrifstofunnar sem hefur verið starfrækt frá 2017 er því tryggð til loka árs 2026. 

Stjórn Nýsköpunarsjóðs námsmanna hefur lokið fyrri úthlutun fyrir sumarið 2020.

Í tilefni af 80 ára afmæli Margrétar Danadrottningar hinn 16. apríl og 90 ára afmæli Vigdísar Finnbogadóttur, fyrrverandi forseta Íslands, hinn 15. apríl í ár setur Carlsbergsjóðurinn á fót dansk-íslenskt rannsóknasetur í samvinnu við íslensk stjórnvöld og Rannsóknasjóð.

Opnað hefur verið fyrir umsóknir í Vinnustaðanámssjóð og er umsóknarfrestur til 20. nóvember 2020, kl. 16:00.

Í ljósi breyttra aðstæðna í þjóðfélaginu hefur stjórn Nýsköpunarsjóðs námsmanna ákveðið að opna fyrir nýjar umsóknir frá og með miðvikudeginum 8. apríl. Umsóknarfrestur verður til 8. maí nk.

Í ljósi breyttra aðstæðna í þjóðfélaginu hefur stjórn Tækniþróunarsjóðs ákveðið að flýta öllum úthlutunum sjóðsins á árinu, í samráði við ferðamála-, iðnaðar- og nýsköpunarráðherra. Sjóðurinn heyrir undir ráðherra og hafa stjórnvöld, sem hluti af aðgerðum til að örva atvinnulífið, aukið fjármagn til sjóðsins um 700 milljónir króna á þessu ári.

Ákveðið hefur verið að framlengja umsóknarfrest Innviðasjóðs sem vera átti 21. apríl til 20. maí vegna Covid-19 faraldursins.

Kæru viðskiptavinir Rannís. Við óskum ykkur og fjölskyldu ykkar gleðilegra páska.

Við minnum á að vegna Covid-19 er tímabundið lokað fyrir komur á skrifstofu okkar. Við viljum þó aðstoða viðskiptavini okkar eins og kostur er. Unnt er að hafa samband við starfsmenn á skrifstofutíma milli 9-16, en netföng og bein símanúmer þeirra er að finna undir vefslóðinni: www.rannis.is/starfsemi/starfsmenn

Eins er hægt að senda tölvupóst á rannis@rannis.is eða hringja í síma 515 5800.

Gerlis Fugmann hefur verið ráðin í starf framkvæmdastjóra Alþjóðlegu norðurskautsvísindanefndarinnar (IASC). Hún hefur víðtæka starfsreynslu, hefur tekið þátt í rannsóknastarfi á norðurslóðum í meira en áratug og hefur mikla innsýn í málefni norðurslóða. Þá hefur hún unnið með vísindamönnum, alþjóðastofnunum og hagsmunaaðilum á heimskautssvæðinu og haft yfirumsjón með stórum verkefnum, viðburðum og fundum.