Úthlutað úr Markáætlun vegna samfélagslegra áskorana 2020
Stjórn Markáætlunar hefur lokið vali á styrkþegum vegna samfélagslegra áskorana. Verður fulltrúum 7 verkefna boðið að ganga til samninga fyrir allt að 360 milljónum króna. Alls bárust 68 gildar umsóknir í áætlunina og verða 7 þeirra styrktar eða um 10% umsókna.
Markáætlun um samfélagslegar áskoranir er opinn samkeppnissjóður sem starfar samkvæmt lögum um opinberan stuðning við vísinda-rannsóknir (nr. 3/2003 með áorðnum breytingum). Áherslur áætlunarinnar eru ákvarðaðar af Vísinda- og tækniráði, en hún er fjármögnuð af mennta- og menningarmálaráðuneyti. Rannís er umsýsluaðili sjóðsins.
Markmið með styrkveitingum er að hraða framförum í þremur flokkum:
- Umhverfismál og sjálfbærni
- Heilsa og velferð
- Líf og störf í heimi breytinga
Haft verður samband við verkefnisstjóra þessara verkefna og þeim boðið til samningafundar.
Eftirfarandi verkefnum er boðið til samninga við sjóðinn að þessu sinni*:
| Heiti verkefnis | Verkefnastjórar | Flokkur |
Endurheimt birkivistkerfa á 21. öld—áskoranir, leiðir og ávinningur |
Ása Lovísa Aradóttir (Landbúnaðarháskóli Íslands), Kristín Svavarsdóttir (Landgræðslan) og Þóra Ellen Þórhallsdóttir (Háskóli Íslands - Verkfræði- og náttúruvísindasvið) | Umhverfismál og sjálfbærni |
| Sjálfbært Heilsusamlegt Mataræði: Vísindi sem vegvísir í átt að sjálfbærri framtíð | Þórhallur Ingi Halldórsson (Háskóli Íslands - Heilbrigðisvísindasvið) | Umhverfismál og sjálfbærni |
| Sjálfbær staðbundin nýting hráefna í áburð – heildstæð nálgun að hringrásarhagkerfi | Marvin Ingi Einarsson (Matís) | Umhverfismál og sjálfbærni |
| Bætt þjónusta við sjúklinga með hjarta- og æðasjúkdóma með stafrænni nálgun | Sæmundur Jón Oddsson (SidekickHealth ehf.) | Heilsa og velferð |
| Lóan: Dregið úr áleitnum endurminningum eftir áföll með hugrænu inngripi | Andri Steinþór Björnsson, Arna Hauksdóttir (Háskóli Íslands- Heilbrigðisvísindasvið) og Emily A. Holmes (Háskólinn í Uppsölum) | Heilsa og velferð |
| Leit að lífmerkjum í heilamyndum fyrir snemmbúna greiningu á Parkinson plús sjúkdómum | Lotta María Ellingsen (Háskóli Íslands - Verkfræði- og náttúruvísindasvið) | Heilsa og velferð |
| Að rækta vistkerfi nýsköpunar í dreifðum byggðum | Arnar Sigurðsson (Austan mána ehf.), Matthias Kokorsch (Háskólasetur Vestfjarða ses.) | Líf og störf í heimi breytinga |
Upplýsingar eru birtar með fyrirvara um innsláttarvillur.
