Nordplus fagnar þrítugsafmæli
Haldið var upp á þrjátíu ára afmæli Nordplus áætlunarinnar í Tallinn í Eistlandi þann 4. október 2018. Einnig var því fagnað að tíu ár eru liðin frá því að Eystrasaltsríkin fengu aðild að áætluninni.
Á þessum þrjátíu árum hafa ótal einstaklingar og stofnanir fengið styrki til námsferða, þróunarverkefna og tengslamyndunar úr Nordplus áætluninni og um tíu þúsund manns njóta hennar á beinan og óbeinan hátt árlega.
Í tilefni tímamótanna var opnaður endurbættur Nordplus vefur þar sem finna má hafsjó af upplýsingum á norðurlandamálunum og ensku um áætlunina og undirverkefni hennar.
Íslenski vefurinn www.nordplus.is er vitaskuld einnig aðgengilegur sem fyrr. Vakin er sérstök athygli á því að nú er einnig hægt að sækja um styrki til undirbúningsheimsókna.
�
