Kynningarfundur um Nordplus norrænu menntaáætlunina
Kynningarfundur um Nordplus norrænu menntaáætlunina verður haldinn fimmtudaginn 16. nóvember á Hótel KEA, Akureyri, kl. 12:00 – 13:00. Farið verður yfir Nordplus áætlunina og þær breytingar sem verða á nýrri áætlun fyrir árin 2018-2022.
Nordplus veitir styrki til allra skólastiga og allir sem starfa við menntamál, innan formlegra menntastofnana eða utan þeirra, geta sótt um í Nordplus, m.a er hægt að sækja um bekkjarheimsóknir, kennaraskipti, norræn tungumálaverkefni og samstarfsverkefni á Norðurlöndum og Eystrasaltslöndum. Sjá nánar.
Næsti umsóknarfrestur er 1. febrúar 2018.
Boðið verður upp á léttan hádegismat, súpu, brauð og kaffi á eftir.
