Barnamenningarsjóður Íslands - úthlutun 2020
Forsætisráðherra Katrín Jakobsdóttir hefur samþykkt tillögu stjórnar Barnamenningarsjóðs Íslands um styrkveitingar fyrir árið 2020. Umsóknarfrestur rann út 1. apríl sl. og bárust 112 umsóknir. Sótt var um tæplega fimmfalda þá upphæð sem til skipta var. Samþykkt var að veita 42 styrki að heildarupphæð 92 milljónir kr. Þriggja manna valnefnd fjallaði um umsóknirnar. Tilkynnt var um úthlutun við athöfn í Hörpu á degi barnsins, sunnudaginn 24. maí 2020.
Barnamenningarsjóður Íslands var stofnaður í tilefni aldarafmælis fullveldisins með ályktun Alþingis á hátíðarfundi 18. júlí 2018. Hlutverk sjóðsins er að fjármagna og styðja við fjölbreytta starfsemi á sviði barnamenningar með áherslu á sköpun, listir og virka þátttöku barna í menningarlífi. Í starfi sjóðsins er m.a. horft til áherslu menningarstefnu um samstarf stofnana, skóla, félagasamtaka og einstaklinga, ásamt því markmiði að jafna aðgengi barna og ungmenna að fjölbreyttum og vönduðum listviðburðum óháð búsetu og efnahag.
Í tillögum sínum hefur fagráðið lagt áherslu á að sinna fjölbreyttum þörfum barna og ungmenna, í því skyni hefur verið horft til þátta á borð við aldur, uppruna, færni, efnahag og búsetu. Þetta má t.d. merkja af fjölda þeirra verkefna sem taka til fjölmenningar, verkefna sem varða skapandi vinnu með tungumál, verkefni við hæfi barna með sértækan stuðning, einnig verkefni tengd menningu og náttúru auk fjölbreyttra ferðalaga með leiksýningar, listsmiðjur og annað skapandi starf til dreifðari byggða… eða jafnvel frá dreifðari byggðum til höfuðborgarsvæðisins.
Hið ánægjulegasta við starf fagráðsins hefur verið að finna fyrir ástríðu og hugmyndaauðgi þeirra sem sinna skapandi störfum með börnum og í þágu barna. Þar eru á ferðinni fagmenn og frumkvöðlar sem sinna flóknum verkefnunum af djúpri þekkingu og spriklandi sköpunargleði. Sérstaklega ánægjulegt er að sjá í verkefnunum áhrif alþjóðlegrar stefnumörkunar á borð við Barnasáttmála Sameinuðu þjóðanna og heimsmarkmiðin um sjálfbæra þróun, sem ber vott um flókið samspil menningarlegra þátta og sem setja mun mark sitt á framtíð þeirra kynslóða sem nú vaxa úr grasi.
Listi yfir verkefni:
| Umsækjandi | Heiti verkefnis | Styrkur |
| Afrika-Lole, áhugamannafélag | FAR - Fest Afríka Reykjavík 2020 | 1.200.000 |
| Alþjóðleg kvikmyndahátíð í Reykjavík | Stelpur filma! | 1.600.000 |
| Ari Hlynur Guðmundsson Yates | FLY Ísland 2 | 3.500.000 |
| Askur og Embla | Kvikindahátíð | 2.000.000 |
| Austurbrú | BRAS menningarhátíð barna og ungmenna á Austurlandi | 3.000.000 |
| Ásthildur Björg Jónsdóttir | Undrin í náttúru Íslands: Listasmiðja | 1.800.000 |
| Dansfélagið Lúxus | Derringur | 1.800.000 |
| Fjallabyggð | Himinn og haf – Barnamenningardagar í Fjallabyggð | 2.000.000 |
| Fljótsdalshérað | Þjóðleikur | 4.600.000 |
| Gerðarsafn | Í takti – unglingar og samtímalist | 4.000.000 |
| Hafnarfjarðarkaupstaður | Bæjarstjórn unga fólksins | 1.500.000 |
| Hallveig Kristín Eiríksdóttir | Fuglabjargið | 2.000.000 |
| Handbendi Brúðuleikhús | Alþjóðleg brúðulistahátíð á Hvammstanga | 2.000.000 |
| Háskóli Íslands | Tungumálatré | 5.000.000 |
| Hönnunarsafn Íslands | Einar Þorsteinn: fyrir ungt fólk á öllum aldri | 1.100.000 |
| Hörpustrengir ehf. | Upptakturinn - tónsköpunarverðlaun barna og ungmenna | 800.000 |
| Íris Hrönn Kristinsdóttir | Úti er ævintýri | 1.800.000 |
| Kópavogsbær | Vatnsdropinn | 6.500.000 |
| Kópavogsbær | Smiðjur óháð tungumáli | 4.000.000 |
| Kvikmyndamiðstöð Íslands | Verðlaunahátíð ungra áhorfenda | 1.800.000 |
| List fyrir alla | Listveita | 4.000.000 |
| Listasafn Árnesinga | Grasagrafík | 1.500.000 |
| Listasafnið á Akureyri | Allt til enda - Listvinnustofur barna | 1.000.000 |
| Maximus Musicus | Sögustundir með Maxa í Hörpu | 1.000.000 |
| Miðnætti leikhús | Geim-mér-ei: Leiksýning á landsbyggðinni | 1.500.000 |
| Northern Wave, félagasamtök | Barna- og unglingadagskrá Northern Wave | 800.000 |
| O.M.A.H.A.I. | Sögur af stríði endurskrifaðar sem sögur af friði | 2.000.000 |
| Orgelhúsið, félagasamtök | Orgelkrakkar | 500.000 |
| Óbyggðasetur | Náttúruskólinn | 2.000.000 |
| Ólafur B. Ólafsson | Fuglaveröld | 500.000 |
| Pera Óperukollektíf | Sönglist fyrir börn og unglinga á Óperudögum | 2.000.000 |
| Reykjavík bókmenntaborg UNESCO | Sögur - Skapandi skrif og Sögur - Verðlaunahátíð barnanna | 2.600.000 |
| Reykjavíkurborg | BIG BANG tónlistarhátíð fyrir unga áheyrendur | 3.000.000 |
| Listasafn Reykjavíkur | Varpið | 3.000.000 |
| Strandagaldur | Galdraskólinn - viltu kynnast göldrunum innra með þér? | 1.300.000 |
| Svikaskáld, félagasamtök | Ljóðasmiðjur svikaskálda | 1.300.000 |
| Tálknafjarðarskóli | Listasmiðjur með listamönnum úr heimabyggð | 2.300.000 |
| Trúðavaktin, félagasamtök | Sjúkrahústrúðarnir | 2.200.000 |
| Tungumálatöfrar | Tungumálatöfrar | 1.500.000 |
| Þjónustu- og þekkingarmiðstöð fyrir blinda, sjónskerta og einstaklinga með samþætta sjón-og heyrnarskerðingu | Að hugsa sér | 2.500.000 |
| Þorgrímur Þráinsson | Skapandi skrif í grunnskólum landsins | 1.500.000 |
| Þroskahjálp | Menning - frá okkar bæjardyrum séð | 2.000.000 |
| Samtals 42 verkefni | 92.000.000 |
Birt með fyrirvara um innsláttarvillur.
