Uppbyggingarsjóður EES: Gagnlegur fundur á vegum menningarsviðs tékknesku landskrifstofunnar
Menningarsvið tékknesku landskrifstofunnar fyrir Uppbyggingarsjóð EES, fundaði hjá Rannís dagana 3. og 4. maí, með þátttöku norskra og íslenskra menningarskrifstofa, tengiliða sjóðsins.
Alls voru þátttakendur 11, fimm frá Tékklandi, fjórir frá Noregi og tveir frá Íslandi.
Á fundinum var farið yfir stöðu sjóðsins sem hefur að mestu verið tæmdur til verðugra verkefna sem flest hafa gengið mjög vel. Fjölbreytt verkefni hafa verið styrkt í Tékklandi, með og án þátttöku gjafalanda á flestum sviðum menningar og lista.
Fundargestir heimsóttu eftirfarandi þrjú verkefni sem íslenskir aðilar hafa tekið þátt í:
- List án landamæra – Art Without Borders
- Heiti verkefnis: Other Knowledge. International research and exhibition program of Gallery MeetFactory with focus on non-normative learning og jamming workshop sem byggir á inngildingu listamanna með fötlun.
- Kvennasögusafn Íslands
- Heiti verkefnis: - From Eliška Krásnohorská to Jiřina Šiklová: In the footsteps of female education.
- Náttúrufræðistofa Kópavogs
- Heiti verkefnis: „Let´s explore, feel and enjoy forest at Castel in Kostelec nad Černými lesy“
Listasafn Íslands tók vel á móti gestum, með áhugaverðri leiðsögn um sýningarsali.
Hópurinn endaði svo heimsókn sína til Íslands á léttri göngu við Geldingadalshraun. Gestir höfðu óskað eftir að sjá nýja hraunið og fannst mikið til þess koma og einstök upplifun að sjá þetta jarðfræðilega undur.
