Rannsóknaþing 2019 og afhending Hvatningarverðlauna Vísinda- og tækniráðs

1.11.2019

Rannís og Vísinda- og tækniráð bjóða til Rannsóknaþings þriðjudaginn 5. nóvember á Grand Hótel Reykjavík, Háteigi. 

Á þinginu verður sjónum beint að því sem fram undan er í alþjóðlegu samstarfi í rannsóknum og menntamálum. Ný tækifæri felast í nýjum samstarfsáætlunum ESB, Horizon Europe rannsókna- og nýsköpunaráætluninni og Erasmus+ menntaáætluninni. Breyttar áherslur eru í norrænu samstarfi, auk þess sem Rannsóknasjóður og Tækniþróunarsjóður hafa heimild til þátttöku í alþjóðlegum samstarfsverkefnum samkeppnissjóða. 

Hvatningarverðlaun Vísinda- og tækniráðs verða veitt vísindamanni sem þykir hafa skarað fram úr snemma á ferlinum og skapað væntingar um framlag í vísindastarfi er treysti stoðir mannlífs á Íslandi.

Dagskrá 

• Forstöðumaður Rannís, Hallgrímur Jónasson, býður gesti velkomna.
• Setning Rannsóknaþings
  • Lilja Alfreðsdóttir, mennta- og menningarmálaráðherra.
• Hvað er framundan í alþjóðasamstarfi? Næstu samstarfsáætlanir ESB og norrænt samstarf
  • Aðalheiður Jónsdóttir, sviðsstjóri alþjóðasviðs Rannís.
    • Glæru með erindi Aðalheiðar.
• Áherslur og tækifæri í rannsóknum
  • Áskoranir og tækifæri fyrir ungt vísindafólk á Íslandi í alþjóðasamstarfi
    • Margrét Helga Ögmundsdóttir, dósent á heilbrigðisvísindasviði Háskóla Íslands.
      • Glærur með erindi Margrétar Helgu.
  • Sóknarfæri sérhæfingar og samstarfs
    • Erla Björk Örnólfsdóttir, rektor Háskólans á Hólum.
      • Glærur með erindi Erlu Bjarkar.
  • Árangur og tækifæri í orkurannsóknum
    • Sigurður H. Markússon, verkefnastjóri hjá Landsvirkjun.
      • Glærur með erindi Sigurðar.
• Áherslur í alþjóðaáætlunum – Pallborðsumræður:
  • Bryndís Björk Ásgeirsdóttir, deildarforseti sálfræðideildar Háskólans í Reykjavík.
  • Bryndís H. Snæbjörnsdóttir, prófessor í myndlist við Listaháskóla Íslands.
  • Eiríkur Smári Sigurðarson, rannsóknastjóri hugvísindasviðs Háskóla Íslands.
  • Eiríkur Steingrímsson, prófessor við læknadeild Háskóla Íslands.
  • Hannes Högni Vilhjálmsson, dósent í tölvunarfræði við Háskólann í Reykjavík.
  • Stjórnandi pallborðs er Hallgrímur Jónasson.
• Afhending Hvatningarverðlauna Vísinda- og tækniráðs
  • Kristján Leósson formaður dómnefndar, gerir grein fyrir valinu.
  • Katrín Jakobsdóttir, forsætisráðherra og formaður Vísinda- og tækniráðs afhendir verðlaunin.

Dagskrárlok, léttar veitingar

Fundarstjóri er Ragnhildur Helgadóttir, formaður vísindanefndar Vísinda- og tækniráðs.

Aðgangur ókeypis - en gestir þurfa að skrá sig.

Upptaka frá Rannsóknaþingi 2019