Opnað hefur verið fyrir umsóknir í Tækniþróunarsjóð
Í ljósi breyttra aðstæðna í þjóðfélaginu hefur stjórn Tækniþróunarsjóðs ákveðið að flýta umsóknafresti í Fyrirtækjastyrkina; Sprota, Vöxt/Sprett og Markaðsstyrk til 15. júní 2020 kl. 16.00.
Tækniþróunarsjóður styrkir nýsköpunarverkefni sem geta aukið samkeppnishæfni íslensks atvinnulífs.
Auglýst er eftir umsóknum í eftirfarandi flokka:
- Sproti er fyrir ung nýsköpunarfyrirtæki og frumkvöðla og hefur það að markmiði að styðja við verkefni á byrjunarstigi.
- Vöxtur er fyrir lítil og meðalstór fyrirtæki og er ætlaður til að styrkja þróunarverkefni sem eru komin af frumstigi hugmyndar og er Sprettur öndvegisstyrkur innan Vaxtar.
- Markaðsstyrkur er ætlaður litlum og meðalstórum fyrirtækjum sem verja að lágmarki 10% af veltu sinni til rannsókna- eða þróunarstarfs samkvæmt síðasta reikningsári. Styrkinn er hægt að sækja um vegna sérstaks markaðsátaks en einnig til uppbyggingar innviða fyrirtækisins sem tengjast sókn á markaði.
Sótt er um í gegnum rafrænt umsóknarkerfi Rannís. Nánari upplýsingar, reglur og leiðbeiningar eru að finna á vefsvæði Tækniþróunarsjóðs.
Um er að ræða flýttan umsóknarfrest en úthlutun verður haustið 2020.
