Opnað hefur verið fyrir umsóknir í Innviðasjóð

20.9.2024

Hlutverk Innviðasjóðs er að styðja við uppbyggingu rannsóknarinnviða á Íslandi og veitir sjóðurinn styrki til tækjakaupa og uppbygginar á innviðum, uppfærslu og viðhalds innviða auk aðgengisstykja.

Í ár auglýsir Innviðasjóður eftir verkefnum á nýjan vegvísi, sem að öllu jöfnu, njóta forgangs við úthlutun styrkja.

Við úthlutun úr Innviðasjóði er tekið mið af úthlutunarstefnu Innviðasjóðs og eftirtalin atriði lögð til grundvallar:

• Að innviðirnir séu mikilvægir fyrir framfarir í rannsóknum á Íslandi og fyrir rannsóknir umsækjenda.
• Að fjárfesting í innviðum skapi nýja möguleika til rannsókna og/eða innviðirnir tengist verkefnum sem Rannsóknasjóður styrkir.
• Að samstarf verði um nýtingu innviða milli stofnana eða milli stofnana og fyrirtækja með fyrirsjáanlegum hætti.
• Að áætlanir um kostnað og fjármögnun séu raunhæfar.
• Að innviðirnir auki möguleika á menntun og þjálfun á viðkomandi fræðasviði.
• Innviðir sem komið er upp með styrk frá sjóðnum skulu vera aðgengilegir öðrum rannsóknahópum eftir því sem svigrúm er til og skal sjóðnum gerð grein fyrir hvernig aðgengi verður háttað.

Mikilvægt er að umsækjendur kynni sér vel reglur sjóðsins áður en umsókn er gerð. Handbók Innviðasjóðs og allar nánari upplýsingar má finna á í Handbók Innviðasjóðs.

Fyrirspurnir varðandi Innviðasjóð skulu sendar á tövlupóstfang sjóðsinsn: innvidasjodur@rannis.is

Vefur Innviðasjóðs