Opið fyrir umsóknir í Loftslagssjóð
Auglýst er eftir umsóknum um styrki úr Loftslagssjóði. Umsóknarfrestur er til kl. 15:00 þann 15. júní 2023.
Loftslagssjóður heyrir undir umhverfis-, orku- og loftslagsráðherra. Hlutverk sjóðsins er að styðja við nýsköpunarverkefni á sviði loftslagsmála og verkefni sem lúta að kynningu og fræðslu um áhrif loftslagsbreytinga. Rannís hefur umsjón með sjóðnum.
Tvær styrktegundir eru í boði að þessu sinni og eru styrkir veittir til eins árs;
- Nýsköpunarverkefni sem skila samdrætti í losun gróðurhúsalofttegunda í samræmi við aðgerðaáætlun ríkisstjórnarinnar í loftslagsmálum.
- Kynningar- og fræðsluverkefni sem nýta niðurstöður nýjustu skýrslu frá IPCC (AR6), Milliríkjanefnd Sameinuðu þjóðanna, kynna þær og túlka í samhengi við íslenskt samfélag, og eru til þess fallin að virkja almenning og atvinnulíf til aðgerða.
Eingöngu er tekið við umsóknum í gegnum rafrænt umsóknarkerfi Rannís og ekki er tekið við gögnum eftir að umsóknarfrestur rennur út.
Nánari upplýsingar og reglur um sjóðinn er að finna á vefsíðu sjóðsins
