Nýsköpun í heilbrigðis- og velferðarþjónustu
Evrópuverkefnið DigitalHealthUptake hefur opnað fyrir umsóknir um samstarfsverkefni milli Evrópulanda. Markmiðið er að miðla þekkingu frá einu svæði/landi til annars og auðvelda innleiðingu á stafrænum nýsköpunaraðferðum í heilbrigðis- og velferðarþjónustu
Samstarfsaðilar geta sótt um styrk upp á 8 þúsund evra til verkefna sem standa yfir í 3 – 9 mánuði. Áhersla er lögð á þekkingaryfirfærslu, þjálfun og innleiðingu á nýsköpun í heilbrigðis- og velferðarþjónustu. Fjármagnið getur til að mynda nýst til að halda fundi, skipuleggja tæknihópa og til kostnaðar vegna ferðalaga.
Hvaða tegundir samstarfslausna er verið að fjármagna?
Gagnreyndar stafrænar nýsköpunarlausnir ættu að vera kjarni samstarfsverkefnanna og þarf m.a. að taka á stefnumótandi aðgerðum, aðferðafræði, ferlavinnu, þjónustu og /eða viðskiptamódeli. Viðfangsefnin skulu leggja áherslu á lausnir fyrir þjónustuþega eða þjónustuaðila, svo sem stafræna tækni fyrir kennslu og fræðslu, upplýsingakerfi, verkfæri fyrir endurgjöf þjónustuþega og/eða fjarheilbrigðisþjónustu.
Nánari upplýsingar á vefsíðu DigitalHealthUptake
Hver getur sótt um?
Samstarfsaðilar skulu vera frá a.m.k tveimur Evrópuríkum sem eru aðilar að Digital Europe áætluninni (öll Evrópusambandslönd auk Íslands, Liechtenstein og Noregs). Umsækjendur geta starfað á landsvísu eða innan ákveðna landshluta/svæða. Einn umsækjandi, svokallaður „originator“, skal vera framarlega í innleiðingu og notkun á öflugri stafrænni tækni í heilbrigðis- og/eða velferðarþjónustu og vera tilbúin til að miðla reynslu sinni og þekkingu til annarra samstarfsaðila, „Adopter“. Í samstarfinu geta verið fleiri en einn „adopter“. Í sumum tilfellum getur þriðji aðili verið innan samstarfsins, t.d. nýsköpunarfyrirtæki á sviði heilbrigðis-og velferðartækni.
Umsóknarfrestur er til 13. september 2023.
Upplýsingafundur á netinu verður haldinn 18. júlí næstkomandi:
