Doktorsnám á haustþingi Rannís
Rannís efnir til haustþings föstudaginn 25. nóvember kl. 8:30 á Hótel Loftleiðum. Viðfangsefni þingsins er doktorsnám á Íslandi.
Rannís hyggst með haustþingi sínu stuðla að umræðu um markmið og forsendur doktorsnáms á Íslandi. Leitað verður svara við ýmsum spurningum, svo sem:
- Mun hið fámenna íslenska háskólasamfélag geta axlað þetta hlutverk og menntað íslenska vísindamenn framtíðarinnar?
- Munu heimamenntaðir frumkvöðlar íslenskra vísinda, tækni og nýsköpunar öðlast þá hæfni sem þarf til þess að halda okkur í fararbroddi á mikilvægum sviðum?
- Hvernig má tryggja að íslensk doktorsmenntun verði ekki annars flokks í alþjóðlegum samanburði?
- Hver er þörf þjóðfélags og atvinnulífs fyrir doktorsmenntaða einstaklinga.
- Hvers getum við vænst af manni með doktorsgráðu?
