Úthlutun úr MEDIA / Kvikmyndir og margmiðlun
Úthlutað hefur verið um 40 milljónum króna til níu verkefna úr kvikmyndahluta Menningaráætlunar ESB.
MEDIA / Kvikmyndir og margmiðlun, undiráætlun Creative Europe styður evrópska kvikmyndagerð og margmiðlun með styrkjum til þróunar, dreifingar og kynningar á kvikmyndum og tölvuleikjum. Áætlunin styður verkefni með evrópska og alþjóðlega skírskotun og notkun á nýrri tækni.
Íslenskum fyrirtækjum hefur gengið vel í styrkúthlutunum þessa árs. Alls bárust 18 umsóknir í Creative Europe Media og það er fagnaðarefni að níu þeirra fengu styrkúthlutun samtals hátt í 40 milljónir.
Styrkir skiptust á eftirfarandi hátt:
Styrkir til undirbúnings verkefna til íslenskra framleiðenda: Á fyrsta skilafresti umsókna bárust 7 íslenskar umsóknir og fengu 3 þeirra úthlutun.
| Styrkþegi | Styrkupphæð | Verkefni |
|---|---|---|
| True North ehf. | 50.000€ | Leikin bíómynd: "HABEAS CORPUS" |
| Compass ehf. | 25.000€ | Heimildamynd: "Yarn, the Movie" |
| K.Ó. framleiðsla ehf. | 25.000€ | Heimildarmynd: "360 Degrees of Being Human" |
Samtals styrkir til undirbúnings 100.000€ eða ISK 15.599.000.-
Styrkir til framleiðenda til framleiðslu á sjónvarpsefni: Á fyrsta skilafresti umsókna fóru 2 íslenskar umsóknir og fékk 1 þeirra úthlutun.
| Styrkþegi | Styrkupphæð | Verkefni |
|---|---|---|
| Ljósop ehf. | 63.550€ | Heimildarmynd: "New Hands" |
Samtals styrkir til sjónvarpsdreifingar 63.550€ eða isk 9.913.165.-
Lán og styrkir til dreifingar á evrópskum kvikmyndum: Á fyrsta skilafresti umsókna fóru 7 íslenskar umsóknir og fengu 3 þeirra úthlutun.
| Styrkþegi | Styrkupphæð | Verkefni | |
|---|---|---|---|
| Sena ehf. | 3.000€ | Kvikmyndin “Deux jours une nuit” | |
| Bíó Paradís | 5.300€ | Kvikmyndin “Antboy” | |
| Bíó Paradís | 3.000€ | Kvikmyndin “Violetta” |
Samtals 11.300€ eða 1.762.687 ISK
Styrkir til Kvikmyndahátíða
Á fyrsta skilafresti umsókna fóru 1 íslenska umsókn og fékk hún úthlutun.
| Styrkþegi | Styrkupphæð | Verkefni |
|---|---|---|
| Alþjóðleg kvikmyndahátíð í Rvk. | 63.000€ | RIFF 2014 |
Samtals 63.000€ eða 9.827.370 ISK
Samtals úthlutað til íslenskra fyrirtækja ágúst 2014 237.850€ eða 37.102.222 ISK
Íslenska fyrirtækið Töfralampinn einn af skipuleggjendum verkefnisins "Fred at School" fékk úthlutað styrk uppá 200.000.- þúsund evrur. Verkefninu er ætlað að efla kvikmyndalæsi barna.
Nánar um Media / Kvikmyndir og margmiðlun
