Netöryggisstyrkur Eyvarar NCC-IS auglýsir eftir umsóknum
Styrknum er ætlað að efla netvarnir hjá litlum og meðalstórum fyrirtækjum, sem og opinberum stofnunum í sama stærðarflokki.
Netöryggisstyrkur Eyvarar NCC-IS auglýsir nú í fyrsta sinn eftir umsóknum.
Hámarksstyrkur er níu milljónir króna og gerð er krafa um 20% mótframlag af hálfu umsækjenda.
Umsóknarfrestur rennur út 1. október 2024 klukkan 15:00.
Rannís hefur umsjón með styrknum í samvinnu við Eyvör NCC-IS og sér um yfirferð og mat umsókna.
Sótt er um í rafrænu umsóknakerfi Rannís - Mínar síður.
Nánari upplýsingar:
Kynningarfundur:
Áhugasömum umsækjendum er bent á að kynningarfundur fer fram í Fenjamýri Grósku, mánudaginn 26. ágúst 2024 frá klukkan 12:00-13:30.Á þeim fundi verður kynnt niðurstaða könnunar um áskoranir í netöryggi, sem var framkvæmd fyrr á árinu, ásamt því að farið verður yfir hvernig sækja megi um styrkinn og hvaða verkefni eru styrkhæf.
