Hvernig á að skrifa samkeppnishæfa umsókn í Marie Curie áætlun Horizon Europe?
Þann 9. og 10. maí nk. standa Rannís og Félag rannsóknastjóra fyrir námskeiði um hvernig skrifa eigi árangursríkar umsóknir í Marie Curie áætlun Horizon Europe.
Á námskeiðinu verður farið yfir helstu reglur, matsferli og önnur grundvallaratriði við skrif umsókna í MSCA áætlunina. Náskeiðið stendur frá 9:00-17:00 báða dagana.
Námskeiðið fer fram á ensku og er ætlað umsækjendum, verkefnastjórum, jafnt sem rannsóknastjórum og öðrum sem hafa áhuga á að bæta færni sína í að skrifa samkeppnishæfa umsókn í MSCA áætlun Horizon Europe.
Marie Skłodowska-Curie áætlunin (MSC) veitir styrki til þjálfunar doktorsnema, nýdoktora og starfandi vísindamanna og er skilyrði að þjálfun fari fram í öðru landi en heimalandi.
Háskólar, stofnanir og fyrirtæki sækja um styrki í samstarfsnetum en styrkirnir eru ætlaður til þjálfunar doktorsnema og nýdoktora. Einnig geta nýdoktorar (með hámark 7 ár frá doktorsgráðu) sótt um einstaklingsstyrki fyrir þjálfun og rannsóknastöðu um allan heim.
Nánari upplýsingar um Marie Curie áætlunina
Leiðbeinandi: Jitka Erylmaz, sérfræðingur hjá EFMC með áherslur á MSCA prógrammið.
Hámarksfjöldi þátttakenda: 30
Staður: Reykjavik Edition Hótelið, Austurbakka 2, 101 Reykjavík
Námskeiðsgjald: Kr. 80.000,-*
Innifalið: Námskeiðsgögn, hádegismatur og kaffiveitingar.
*Aðilar í Félagi rannsóknastjóra greiða 65.000 kr.
