Fjölbreytt sumarstörf hjá Rannís
Rannís auglýsir eftir 10 námsmönnum í sumarstörf. Störfin eru hluti af vinnumarkaðsátaki stjórnvalda og Vinnumálastofnunar. Umsóknarfrestur er til 21. maí n.k.
Um er að ræða fjölbreytt og áhugaverð störf innan mismunandi sviða Rannís:
- Skjalavörður - ljósmyndaskráning
- Kynningar- og markaðsmál fyrir evrópskar samstarfsáætlanir
- Kortlagning norræns samstarfs
- Kynningarstarf fyrir Uppbyggingarsjóð EES
- Kortlagning á evrópsku rannsóknasamstarfi
- Könnun á skattfrádrætti rannsókna- og þróunarverkefna og gerð kynningarefnis
- Skráning umsóknargagna í gagnagrunna
- Skjalavörður (2 stöðugildi)
- Úttekt á vef og kynningarefni fyrir Enterprise Europe Network
Gert er ráð fyrir að ráðningartímabilið sé tveir og hálfur mánuður. Sótt er um störfin á vef Vinnumálastofnunar.
Rannís er líflegur vinnustaður með tæplega 60 sérfræðingum sem starfa eftir gildum stofnunarinnar: Áhrif, fagmennska og samstarf. Hlutverk Rannís er að treysta stoðir íslensks samfélags með stuðningi við rannsóknir, nýsköpun, menntun og menningu. Styðja þekkingarsamfélagið með rekstri samkeppnissjóða, aðstoð og kynningu á alþjóðlegum sóknarfærum og samstarfsmöguleikum. Rannís greinir og kynnir áhrif rannsókna, menntunar og menningar á þjóðarhag og þjónustar undirbúning vísinda- og tæknistefnu.
