Evrópurútan á ferð um landið
Í tilefni þess að 30 ár eru síðan að samningur um Evrópska efnahagssvæðisins (EES) tók gildi, og veitti Íslandi aðgang að auknum tækifærum til samstarfs í Evrópu, mun Evrópurútan fara hringinn um landið í september þar sem vakin verður athygli á árangri af Evrópuverkefnum í heimabyggð og tækifærum til framtíðar í alþjóðasamstarfi.
Evrópurútan mun stoppa á ellefu þéttbýlisstöðum um allt land og bjóða íbúum til fundar og samtals um tækifæri í heimabyggð til alþjóðasamstarfs í gegnum fjölmargar samstarfsáætlanir Evrópusambandins.
Yfirlit yfir viðkomustaði Evrópurútunnar ásamt tímasetningum og fundarstað má skoða með því að smella á hnappinn hér fyrir neðan.
Evrópurútan er skipulögð af Rannís sem hefur umsjón með öllum helstu samstarfsáætlunum á sviði menntunar, menningar, vísinda og fyrirtækjasamstarfs og mun á hringferð sinni um landið veita upplýsingar um:
- Erasmus+
- Horizon Europe
- Creative Europe
- European Solidary Corps
- Enterprise Europe Network
- Digital Europe
- LIFE
- Nordplus
Rannís hvetur öll til að mæta og kynna sér tækifæri til alþjóðasamstarfs til framtíðar fyrir sína heimabyggð.
Óskað er eftir skráningu á viðburðina fyrir áætlun veitinga á hverjum stað fyrir sig.
