Rúmar 398 milljónir endurgreiddar vegna bókaútgáfu árið 2020
Árið 2020 var fyrsta heila árið í starfsemi sjóðs til stuðnings bókaútgáfu. Á árinu voru afgreiddar 922 umsóknir. Heildarkostnaður sem taldist endurgreiðsluhæfur var rúmar 1.593 m.kr. og var fjórðungshlutur endurgreiddur til útgefenda, alls rúmar 398 m.kr.
Lög um tímabundinn stuðning við útgáfu bóka á íslensku tóku gildi 1. janúar 2019 og samkvæmt þeim eiga útgefendur rétt á 25% endurgreiðslu kostnaðar vegna bóka sem útgefnar eru frá þeim degi. Árið 2020 er fyrsta heila árið í starfsemi sjóðsins en útgefendur hafa níu mánuði frá útgáfudegi til að sækja um endurgreiðslu; stór hluti þeirra bóka sem afgreiddar voru á árinu voru því gefnar út árið áður.
Á eftirfarandi töflu má sjá frekari greiningu eftir kostnaðarliðum og fjölda umsókna. Af einstökum liðum vegur prentun þyngst (26,8%) og þar á eftir koma höfundarlaun (17,9%), auglýsingar (11,6%), og loks ritstjórn, þýðingar og hönnun (allt um 9%).
Ath. taka verður kostnaðarliðum með vissum fyrirvara því fyrir kemur að umsækjandi setji fleiri en eina tegund kostnaðar undir sama liðinn.
Nánara ársuppgjör er að finna á heimasíðu sjóðsins.
| Kostnaðarliðir | Upphæðir | % kostnaðar | Fjöldi umsókna | % umsókna |
| Prentun | 426.705.118 | 26,8% | 586 | 63,6% |
| Höfundarlaun | 285.677.015 | 17,9% | 590 | 64,0% |
| Auglýsingar | 185.006.343 | 11,6% | 655 | 71,0% |
| Ritstjórn | 144.651.344 | 9,1% | 375 | 40,7% |
| Þýðing | 145.487.428 | 9,1% | 292 | 31,7% |
| Hönnun | 143.392.879 | 9,0% | 613 | 66,5% |
| Hljóðupptaka | 84.901.742 | 5,3% | 372 | 40,3% |
| Prófarkalestur | 47.112.791 | 3,0% | 322 | 34,9% |
| Útgáfuréttur | 46.269.647 | 2,9% | 168 | 18,2% |
| Upplestur (hljóðb.) | 35.967.253 | 2,3% | 328 | 35,6% |
| Kynning | 32.915.242 | 2,1% | 261 | 28,3% |
| Ljósmyndir | 30.862.803 | 1,9% | 129 | 14,0% |
| Lestur | 25.177.304 | 1,6% | 101 | 11,0% |
| Rafbókavinna | 2.970.111 | 0,2% | 139 | 15,1% |
| Styrkur | -43.651.235 | -2,7% | 78 | 8,5% |
| Alls kostnaður | 1.593.445.678 | Alls 922 | ||
| Endurgreitt 2020 | 398.361.527 |
Allar upplýsingar birtar með fyrirvara um innsláttarvillu.
