BlueBio ERA-NET auglýsir eftir umsóknum
Um er að ræða samstarfsnet 16 Evrópuþjóða til að efla samvinnu og ýta undir rannsóknir og nýsköpun á bláa lífhagkerfinu. Ísland er aðili að netinu í gegnum Rannís.
ERA-NET Cofund Blue Bioeconomy – Unlocking the Potential of Aquatic Bioresources (BlueBio) er samstarfsnet 16 Evrópuþjóða til að efla samvinnu og ýta undir rannsóknir og nýsköpun á bláa lífhagkerfinu og er Ísland aðili að netinu í gegnum Rannís.
Umsóknaferlið er tveggja þrepa. Í fyrra þrepi er send inn forumsókn. Þær umsóknir sem standast mat á fyrsta þrepi fá boð um að senda inn umsókn á seinna þrepi.
Frestur til að skila inn forumsókn er til 14. september 2020.
Nánari upplýsingar má má finna á BlueBio.eu.
Styrkir til íslenskra aðila í samþykktum verkefnum eru fjármagnaðir af Tækniþróunarsjóði.
Frekari upplýsingar um kallið veitir Lýður Skúli Erlendsson hjá Rannís.
