Auglýst eftir umsóknum í Sviðslistasjóð
Sviðslistaráð auglýsir eftir styrkumsóknum atvinnusviðslistahópa í Sviðslistasjóð. Umsóknarfrestur er til 1. október 2024 klukkan 15:00.
Umsækjendum er bent á eftirfarandi breytingar:
- Að öðru jöfnu skulu styrkþegar nýta styrki sína innan 30 mánaða (í stað 18 mánaða áður / 4. og 7. gr í uppfærðum reglum ).
Nýr matskvarði : Gildi og mikilvægi verkefnis 50%, framkvæmd verkefnis 25%, sviðslistahópur 25%.
Hafi umsækjandi hlotið styrk úr sjóðnum áður, verður umsókn aðeins tekin til umfjöllunar ef framvinduskýrslu/lokaskýrslu hefur verið skilað.
Í umsókn Sviðlistasjóðs er hægt að sækja um listamannalaun fyrir meðlimi atvinnusviðslistahópsins.
Á vef Sviðslistasjóðs eru umsóknar- og skýrsluform, matskvarði, lög, reglur og leiðbeiningar um gerð umsókna.
Umsóknarfrestur er til 1. október 2024 kl. 15:00.
Umsækjendur eru hvattir til að skila umsóknum tímanlega.
Fyrirspurnir sendist á netfangið: svidslistasjodur@rannis.is
Einnig er hægt að hringja í síma 515 5839 / 515 5838.
Sviðslistasjóður starfar samkvæmt lögum um sviðslistir 2019 nr. 165. Niðurstaða umsókna liggur að jafnaði fyrir í byrjun árs.
