Auglýst eftir umsóknum í Æskulýðssjóð
Búið er að opna fyrir
umsóknir í Æskulýðssjóð. Frestur til að sækja um styrki úr sjóðnum er til 15. febrúar 2020 klukkan 15:00. Athugið breyttan tíma!
Hlutverk Æskulýðssjóðs er að styrkja eftirtalin verkefni á vegum æskulýðsfélaga og
æskulýðssamtaka:
- Sérstök verkefni sem unnin eru fyrir börn og ungmenni og/eða með virkri þátttöku þeirra
- Þjálfun forystufólks, leiðbeinenda og sjálfboðaliða
- Nýjungar og þróunarverkefni
- Samstarfsverkefni æskulýðsfélaga og æskulýðssamtaka. Hvorki er heimilt að styrkja árvissa eða fasta viðburði í félagsstarfi, svo sem t.d. þing, mót eða þess háttar viðburði né ferðir hópa
Allir sem eru í forsvari fyrir æskulýðsfélög og æskulýðssamtök geta sótt um styrk úr sjóðnum.
Sérstök áhersla verður að þessu sinni að styrkja verkefni sem stuðla að nýsköpun í æskulýðsstarfsemi.
Hægt er að sækja um styrk tvisvar á ári. Seinni umsóknarfresturinn er 15. október 2021.
