Rannís tekur þátt í UTmessunni
Ráðstefnu- og sýningardagurinn er 25. maí nk. á Grand hóteli og þar munu fulltrúar Rannís kynna helstu sjóði og verkefni til nýsköpunar og þróunar sem eru í umsjón Rannís.
Fulltrúar Rannís munu segja frá stuðningi við rannsóknir og nýsköpun með sérstaka áherslu á nýja áætlun Evrópusambandsins Digital Europe.
Digital Europe mun móta stafræna framtíð Evrópu og styður við verkefni sem brúa bilið milli rannsókna og þróunar og stafrænna afurða á markaði.
Vefsvæði Digital Europe
Áætlunin veitir stefnumótandi fjármögnun til verkefna á fimm lykilsviðum:
- Ofurtölvur
- Gervigreind
- Netöryggi
- Stafræn hæfni
- Stafrænar miðstöðvar
Rannís hefur fjölbreytt úrval valkosta þegar kemur að fjármögnun og stuðningi við nýsköpunarverkefni. Við viljum kynna á einfaldan hátt hvernig hægt er að finna réttan stuðning hvort sem er hjá Tækniþróunarsjóði, Enterprise Europe Network eða innan Horizon Europe, rannsókna- og nýsköpunaráætlunar Evrópusambandsins.
