Tónlistarsjóður - seinni úthlutun 2019
Mennta- og menningarmálaráðherra hefur samþykkt tillögu tónlistarráðs um úthlutun úr Tónlistarsjóði fyrir seinna tímabil ársins 2019 (1. júlí – 31. desember).
Tónlistarsjóður starfar skv. lögum nr. 76/2004 og er hlutverk sjóðsins að efla íslenska tónlist og stuðla að kynningu á íslenskum tónlistarmönnum og tónsköpun þeirra.
Alls bárust 124 umsóknir frá mismunandi greinum tónlistar. Sótt var um rúmar 113 milljónir króna. Til úthlutunar úr Tónlistarsjóði þetta árið eru 69 milljónir króna. Þar af eru 21 milljón í föstum samningum til ársins 2020. Til úthlutunar í seinni úthlutun eru 24 milljónir.
Veittir eru styrkir til 63 verkefna að upphæð 24 milljónir króna. Hæstu styrkina, að upphæð ein milljón króna, hljóta Þjóðlagahátíð á Siglufirði og Listvinafélag Hallgrímskirkju. Sjö verkefni hljóta styrk að upphæð átta hundruð þúsund krónur: tónlistarhátíðin Miðnætursól í Bolungarvík, þátttaka íslenskra tónskálda í hátíðinni Ung Nordisk Musik í Svíþjóð, útgáfa á hljóðritunum Björns Ólafssonar fiðluleikara, tónlistarhátíð í minningu um Jóhann Jóhannsson tónskáld, tónleikaröð jazzklúbbsins Múlans í Hörpu, 15:15 tónleikasyrpan og píanónámskeið á vegum Evrópusambands píanókennara. Meðal annarra verkefna sem hljóta styrk má nefna tónleikaraðir á Akureyri, Ólafsfirði, Seyðisfirði og Dalvík, sönghátíð í Húsavíkurkirkju, röð barnatónleika á Norðurlandi og tónleika á Hinsegin dögum í Reykjavík.
Næsti umsóknarfrestur er 15. nóvember nk.
Listi yfir verkefni sem fá styrk*:
| Nafn umsækjanda | Heiti verkefnis | Vilyrði |
| Alþýðuóperan, áhugamannafélag | Corpo Surreal | 600.000 |
| Andrés Þór Gunnlaugsson | Tónleikaferð í tilefni af útgáfu disks | 300.000 |
| Auður Gunnarsdóttir | Im Treibhaus - Í gróðurhúsinu / samruni söngs og danshreyfingar | 400.000 |
| Auður Gunnarsdóttir | Hvíslar mér hlynur | 400.000 |
| Á ljúfum nótum í Fríkirkjunni | Á ljúfum nótum í Fríkirkjunni - hádegistónleikar | 500.000 |
| Bador slf | "Út um allt" - Tónleikaferðalag Kristjönu Stefáns og Svavars Knúts | 400.000 |
| Berglind María Tómasdóttir | Verpa eggjum | 200.000 |
| Berjadagar, félag um tónlistarhátíð | Berjadagar tónlistarhátíð 2019 | 400.000 |
| Bláa Kirkjan - sumartónleikar | Tónleikaröð 2019 | 400.000 |
| Camerarctica | Kammertónleikar Camerarctica seinni hluti 2019 | 400.000 |
| Dómkórinn í Reykjavík | Niðjar Nordals og síðdegistónleikar í Dómkirkjunni | 400.000 |
| DreamVoices ehf. | Ópera fyrir leikskólabörn | 150.000 |
| Einkofi Productions | Is He On The Line...? Reykjavik Pride | 200.000 |
| Evrópusamband píanókennara | Tónleikar og masterklassi á afmælisári EPTA | 800.000 |
| Fanney Kristjáns Snjólaugardóttir | Elísabetar hátíð | 200.000 |
| Félag íslenskra tónlistarmanna | Klassík í Vatnsmýrinni | 200.000 |
| Félag íslenskra tónlistarmanna | Velkomin heim - The Harpa Welcome Series | 200.000 |
| Guðmundur Steinn Gunnarsson | Kynningarverkefni í tengslum við útgáfu „Sinfóníu“ í flutningi tónlistarhópsins Fengjastrúts | 150.000 |
| Guðrún Óskarsdóttir | Sembal- og píanódúó | 300.000 |
| Gyða Valtýsdóttir | Í Annarri Vídd | 300.000 |
| Hafnarborg, menn/listast. Hafnarf. | Hljóðön haustið 2019 – Sýndarrými #8 | 150.000 |
| Halldór Smárason | Markaðssetning og tónleikar í tilefni hljómplötuútgáfu | 200.000 |
| Helen Victoria Clifton Whitaker | ALDAtrio | 300.000 |
| Helga Rós Indriðadóttir | Heimþrá | 150.000 |
| Hildigunnur Halldórsdóttir f.h. 15:15 tónleikasyrpunnar | 15:15 tónleikasyrpan | 800.000 |
| Hlíf Sigurjónsdóttir | Björn Ólafsson konsertmeistari. Varðveisla menningararfs |
800.000 |
| Hlökk | Duo Harpverk & Hlökk | 150.000 |
| Hrafnkell Orri Egilsson | Arioso - Bach fyrir selló og orgel | 300.000 |
| Icelandic Country Music Association | Iceland Country Music Festival 2019 | 150.000 |
| Ingi Bjarni Skúlason | Ingi Bjarni: Tenging - tónleikaferð vegna nýrrar útgáfu |
300.000 |
| Innri felustaður | Innri felustaður | 200.000 |
| Kammerkór Norðurlands | Kammerkór Norðurlands 20 ára | 400.000 |
| Kammerkórinn Cantoque | Jóhannes í nýju ljósi - Jóhannesarpassía Bachs með Cantoque Ensemble og Barokkbandinu Brák |
500.000 |
| Klassískir tónleikar Hinsegin daga | Klassísku tónleikar Hinsegin daga | 250.000 |
| Kristín Þóra Haraldsdóttir | Blóðhófnir - Útgáfutónleikar | 250.000 |
| Lárus Jóhannesson | Tónlistarhátíð í minningu Jóhanns Jóhannssonar |
800.000 |
| Leifur Gunnarsson | Yngstu hlustendurnir | 300.000 |
| Les Fréres Stefson | Snælda | 400.000 |
| Listasafn Íslands | Sumartónleikar Listasafns Sigurjóns Ólafssonar 2019 |
400.000 |
| Listvinafélag Hallgrímskirkju | Listvinafélag Hallgrímskirkju 37. starfsár | 1.000.000 |
| LungA- Listahátíð ungs fólks, AL | LungA - Tónlistarveisla og aðrir tónlistarviðburðir 2019 | 500.000 |
| Margrét Jóhanna Pálmadóttir | Hásláttur, Sönghátíð Möggu Pálma í Húsavíkurkirkju | 150.000 |
| Maximus Musicus ehf. | Sögustund með Maxa | 300.000 |
| Menningarfélagið Berg ses | Klassík í Bergi 2019 - 2020 | 150.000 |
| Múlinn - jazzklúbbur | Tónleikaröð Jazzklúbbsins Múlans í Hörpu | 800.000 |
| New Music For Strings á Íslandi | Tónlistarhátíðin New Music for Strings á Íslandi | 150.000 |
| Óskar Guðjónsson | ADHD 7 - eftirfylgni útgáfu í Evrópu sumarið 2019 | 500.000 |
| Pan Thorarensen | Extreme Chill Festival 2019 - Reykjavík | 250.000 |
| Pétur Björnsson | Kammersveitin Elja: Örbylgjuklassík | 500.000 |
| Rut Ingólfsdóttir | Tónlist í Fljótshlíðinni | 150.000 |
| Samskiptamiðstöð heyrnarlausra og heyrnarskertra | Syngjum saman: íslensk lög þýdd og túlkuð á íslenskt táknmál | 200.000 |
| Selvadore Rähni | Tónlistarhátíðin Miðnætursól | 800.000 |
| Sigríður Ósk Kristjánsdóttir | Raddir í loftinu | 150.000 |
| Smekkleysa S.M. ehf. | Endurútgáfur á íslenskum tónlistarútgáfum | 250.000 |
| Stelpur rokka!, félagasamtök | Music Empowerment Mobility & Exchange: Lokatónleikar alþjóðlegra rokkbúða á Hvanneyri | 400.000 |
| Strokkvartettinn Siggi | South of the Circle | 250.000 |
| Sumartónleikar í Akureyrarkirkju | Sumartónleikar í Akureyrarkirkju 2019 | 300.000 |
| Söngsveitin Ægisif | Hjálmar og Vasks - tónleikar Ægisifjar og Íslenskra Strengja | 500.000 |
| Tónlistarfélag Akureyrar | Síðsumars- og hausttónleikaröð Tónlistarfélags Akureyrar | 300.000 |
| Töfrahurð | Barnatónleikarhátið Töfrahurðar á Norðurlandi | 500.000 |
| Töframáttur tónlistar | Töframáttur tónlistar | 400.000 |
| Ung nordisk musik | Þátttaka Íslands í UNM í Piteå 2019 | 800.000 |
| Þjóðlagahátíðin á Siglufirði | Þjóðlagahátíðin á Siglufirði 3.-7. júlí 2019 | 1.000.000 |
| Samtals | 24.000.000 |
Tónlistarráð
Árni Heimir Ingólfsson, formaður, Ragnhildur Gísladóttir og Samúel Jón Samúelsson.
*Upplýsingar um úthlutun eru birtar með fyrirvara um innsláttarvillur.
