Námskeið í gerð umsókna í Erasmus+
Námskeið í gerð umsókna um nám og þjálfun í Evrópu
Erasmus+ er ný styrkjaáætlun Evrópusambandsins á sviði menntamála, æskulýðsstarfs og íþrótta sem gildir 2014-2020. Markmið Erasmus+ er að auka gæði og stuðla að samstarfi í menntun og þjálfun innan Evrópu, en 34 Evrópulönd eiga aðild að áætluninni. Rannís er landskrifstofa menntahluta og íþróttahluta áætlunarinnar.
Nám og þjálfun veitir starfsfólki á öllum skólastigum og nemendum í starfsmenntun og á háskólastigi tækifæri til að sinna námi, starfsþjálfun eða kennslu í þátttökulöndum Erasmus+. Hægt er að sækja um ferða-, uppihalds- og námskeiðsstyrki.
Námskeiðin verða haldin í húsnæði Endurmenntunar HÍ, Dunhaga 7, sem hér segir:
Starfsmenntun
miðvikudaginn 26. febrúar kl. 14:00-16:00
Leik-, grunn- og framhaldsskólar, listnámsskólar og fullorðinsfræðslustofnanir
fimmtudaginn 27. febrúar kl. 14:00-16:00
Skráning fer fram á erasmusplus@rannis.is. Á námskeiðunum verður farið yfir umsóknarferlið, umsóknareyðublöð skoðuð og verkefnishugmyndir ræddar. Hægt er að óska eftir aðgengi í gegnum fjarfundabúnað símenntunarmiðstöðva á landsbyggðinni.
Fræðslu- og menntastofnanir á öllum skólastigum geta sótt um styrki í Erasmus+. Einnig eiga fyrirtæki, samtök og aðrir lögaðilar sem sinna menntun rétt á þátttöku.
Umsóknarfrestur fyrir náms- og þjálfunarferðir er til 17. mars 2014.
Nánari upplýsingar um Erasmus+ er að finna á www.erasmusplus.is
