Í verkefninu “Lífríki og búsvæði á Reykjaneshrygg” var mikilvægi Reykjaneshryggs sem búsvæði fyrir botndýralíf kannað. Hryggurinn var myndaður í eldsumbrotum og samanstendur af grófu landslagi með hörðum botni. Markmið verkefnisins var að fá betri innsýn inn í Reykjaneshrygginn sem búsvæði fyrir botndýralíf, með sérstaka áherslu á hverastrýtur á Steinahól sem liggur á 200 m dýpi.

Meginmarkmið rannsóknarverkefnisins er að afla þekkingar og skilnings á umhverfisáhrifum þangtekju. Gert er ráð fyrir að þekking sem aflað er nýtist við umhverfisvernd og stjórnun nýtingar þörunga í fjörum.

Verkefnið var framhaldsrannsókn af annarri sem nýtti þrívíddargreiningu á hreyfingu ungra íþróttamanna. Þessi annar fasi rannsóknarinnar fólst í því að bjóða fyrri þátttakendum, sem komu fyrst sem 10-11 ára börn, að snúa aftur sem unglingar og endurtaka mælingarnar. Þannig var hægt að greina breytingar sem verða yfir þetta árabil mikils þroska, með áherslu á lífaflfræðilega þætti sem tengjast áhættu alvarlegra hnémeiðsla.