Beanfee er hugbúnaður sem býður notendum upp á að þjálfa nær hvaða hegðun sem er. Til þjálfunar beitir Beanfee ýmsum aðferðum, svo sem hvata- og afrekskerfum, ásamt því að virkja nærumhverfi notandans honum til stuðnings.

Undanfarin ár hefur Reon unnið að þróun á tækni til að lágmarka skaða sem hlýst af meðhöndlun viðkvæmra vefja í speglunaraðgerðum. Það eru þær aðgerðir sem framkvæmdar eru í gegnum litla skurði á sjúklingnum þar sem myndavél og mjóum löngum verkfærum er komið fyrir, svokallaðar speglunaraðgerðir.

Á undanförnum tveimur árum hefur Gagarín unnið að lausnum fyrir söfn, sýningar og skóla þar sem sýndar- og viðbótarveruleikatækni er notuð til þess að koma flóknum sögum á framfæri á áhrifaríkan hátt. Verkefnið hlaut styrk Tækniþróunarsjóðs árin 2019-2021.

Risk ehf. hefur þróað og framleitt RetinaRisk hugbúnaðinn sem reiknar út á áhættu fólks með sykursýki á sjónskerðandi augnsjúkdómum. RetinaRisk áhættureiknirinn er byggður upp á áratuga alþjóðlegu samstarfi og víðtækum klínískum rannsóknum á yfir 25 þúsund einstaklingum með sykursýki. Tækniþróunarsjóður styrkti fyrirtækið til þróunar á áhættureikninum sem og til markaðssetningar erlendis.

Gervigreind skipar sífellt stærri sess í lífi og starfi landsmanna. Tæknin verður sífellt fullkomnari, en að sama skapi er sífellt stærri áskorun fyrir landsmenn að skilja á hverju hún byggir og að nýta möguleika hennar til fulls.

Samfélagsgróðurhús ehf. hefur hannað nýja gerð gróðurhúsa sem byggja á einingahúsasmíði og þróað nýstárlegan möguleika í verslun, uppsetningu og ræktun.