Sumarið 2020 gekk IMS til samstarfs við Tækniþróunarsjóð að fengnu vilyrði um 2ja ára Vaxtarstyrk. Tilgangurinn var að þróa nákvæm algrím til flokkunar á gömlum ljósmyndum, að nýta nýjustu tækni á sviði gervigreindar og vélarnáms til að minnka tímann og auka nákvæmni þess að flokka, votta og verðmeta ljósmyndirnar.

Íslenska nýsköpunarfyrirtækið LearnCove hefur á undanförnum árum þróað alþjóðlegan fræðsluhugbúnað með stuðningi frá Tækniþróunarsjóði. Sérstaða hugbúnaðarins felst í því að skólar, fræðsluaðilar og fyrirtæki geta miðlað miðlægu efni sínu þannig að það mæti þörfum hins endanlega notanda hvort sem það er nemandi í grunnskólakerfinu, fullorðnir nemendur framhaldsfræðslu eða starfsmenn í atvinnulífinu. 

Nýverið fékk NeckCare Holding ehf. styrk frá RANNÍS til alþjóðlegrar markaðsetningar á vörum sínum. Félagið hefur í hyggju að nota styrkupphæðina sem nam 10 MKR til að efla sókn sína inn á erlenda markaði. 

COSEISMIQ verkefnið var samstarfsverkefni fimm evrópskra rannsóknarstofnana og Orkuveitu Reykjavíkur. Íslenskar orkurannsóknir (ÍSOR) voru eina íslenska stofnunin en Háskólinn í Zürich (ETHZ) leiddi verkefnið. Það snerist um að þróa aðferðir til að geta fylgst með og jafnvel haft áhrif á jarðskjálftavirkni í tengslum við vinnslu og niðurdælingu á nýttum jarðhitasvæðum.

Orkuveita Reykjavíkur (OR) hefur undanfarin þrjú ár verið þáttakandi í HEATSTORE verkefninu sem styrkt var af Geothermica sjóðnum. Um er að ræða alþjóðlegt verkefni sem skoðaði varmageymslu neðanjarðar sem tól til þess að mæta breytingum á framboði og eftirspurn eftir orku.