Þjálfun og meðferð með heilbrigðistækni – verkefni lokið
Fréttatilkynning verkefnisstjóra
Hugmyndin óx frá því að vera þjónustufyrirtæki fyrir börn á landsbyggð sem þurftu aðstoð við talþjálfun yfir í tæknibúnað til að allir sérfræðingar gætu gert hið sama.
Kara Connect ehf. hefur eftir 3 ára stuðningstímabil
Tækniþróunarsjóðs skilað miklu. Nú þegar geta sérfræðingar af ólíkri gerð, t.d.
sálfræðingar og/eða næringarfræðingar, nýtt sér rafræna skrifstofu Köru til að
bæta aðgengi að hjálp, tryggja öryggi gagna og upplýsinga og nýta nýjustu tækni
til að minnka umsýslu. Fjölmargir sérfræðingar, rúmlega 400 eru nú skráðir inn
í forritið og nýta sér ólíka þætti Köru sér til hægðarauka og til að tryggja
aðgengi að þeirri sérþekkingu óháð staðsetningu skjólstæðinga. Þúsundir
skjólstæðinga nýta sér tækni Köru um allt land til að fá stuðning eða hjálp frá
sérfræðingum. Kara er þegar komin með viðskiptavini í Danmörku og Svíþjóð og
stefnir á fleiri lönd í lok þessa árs. Styrkur Tækniþróunarsjóðs hefur verið
grundvallaratriði öll þessi ár fyrir framgangi verkefnisins og til hreinnar
fyrirmyndar fyrir hugmyndir eins og þeirri sem býr að baki. Hugmyndin óx frá því að vera þjónustufyrirtæki fyrir börn á
landsbyggð sem þurftu aðstoð við talþjálfun yfir í tæknibúnað til að allir
sérfræðingar gætu gert hið sama. Á hverju ári var ánægjulegt að geta skýrt
frá góðum framgangi verkefnisins og vexti fyrirtækisins umfram áætlanir.
Tækniþróunarsjóður er einstakur bakhjarl frumkvöðla. Þorbjörg Helga stofnandi
Köru Connect ehf. segir “að styrkir og stuðningur Tækniþróunarsjóðs sé
einstakur og ríkisstjórnir eiga þakkir skilið fyrir að efla sjóðinn þó enn megi
bæta vel í. Hægt væri þó að horfa til þess að verkefni sem fái styrk fái ekki
einungis fjármuni heldur líka stuðning til að opna dyr með samstarfsaðila, í
okkar tilfelli ríki og sveitarfélaga. Sú tenging gæti reynst dýrmætari fyrir
þróun vöru og framtíð verkefna hjá fyrirtækjum og stofnunum heldur en beinharðir
peningar”. Á næstu árum heldur Kara Connect áfram að vaxa og hefur tryggt
fjármuni fyrir nýjar og spennandi viðbætur sem gera Köru alþjóðlegan kost fyrir
sérfræðinga sem vilja hafa öruggan kost utan um þjónustuna sína. Enn eru margar
spennandi hugmyndir í farvegi og þróun sem gera Köru samkeppnishæfari og
aðgengilegri.
Heiti verkefnis: Þjálfun
og meðferð með heilbrigðistækni
Verkefnisstjóri: Þorbjörg Helga Vigfúsdóttir
Styrkþegi: Kara Connect ehf.
Tegund styrks: Verkefnisstyrkur
Fjöldi styrkára: 3
Fjárhæð styrks: 45 millj. kr. alls
VERKEFNIÐ VAR STYRKT AF TÆKNIÞRÓUNARSJÓÐI.
Listi yfir afrakstur verkefnisins, sem og skýrslur, greinar og handrit:
https://www.icelandreview.com/society/therapy-for-all-kara-connect/
http://northstack.is/index.php/2018/04/12/kara-connect-raises-e1-5m-led-by-crowberry-capital/ http://investinodense.dk/a-stepping-stone-to-europe-2/
http://www.ruv.is/frett/odladist-frelsi-thegar-hun-gat-tjad-sig-a-ny