Skýlausn fyrir fasteignastjórnun - verkefni lokið
Fréttatilkynning verkefnisstjóra
Meginhugmyndin með verkefninu var ná til smærri fasteignaaðila með einfalda og myndræna lausn í skýinu. MainManager-varan þjónar nú fjölda stærri fasteignaeigenda á Íslandi, Englandi, Noregi og Danmörku.
Undanfarin þrjú ár hefur MainManager ehf. unnið að þróun á
frumgerð á skýlausn fyrir fasteignastjórnun. MainManager-varan þjónar nú fjölda
stærri fasteignaeigenda á Íslandi, Englandi, Noregi og Danmörku. Árið 2015 fékk
MainManager styrk frá Tækniþróunarsjóði til að gera frumgerð að skýlausn. Meginhugmyndin
var ná til smærri fasteignaaðila með einfalda og myndræna lausn í skýinu.
Notendur gætu nálgast vefinn og hlaðið inn upplýsingum um fasteignir sínar með
einföldum hætti og síðan taka í notkun nokkur meginferli fasteignastjórnunar
eins og rekstur og viðhald, hjálparborð og skjölun bygginganna.
Heiti verkefnis: Skýlausn
fyrir fasteignastjórnun
Verkefnisstjóri: Gunnlaugur B. Hjartarson, MainManager ehf.
Tegund styrks: Verkefnisstyrkur
Styrkár: 2015-2017
Fjárhæð styrks: 45 millj. kr. alls
Tilvísunarnúmer Rannís: 152959
VERKEFNIÐ VAR STYRKT AF TÆKNIÞRÓUNARSJÓÐI.
Markaðurinn í dag krefst þess að hægt sé að lesa inn opinberar upplýsingar um eignasöfn fasteignaeigenda sem þegar eru fyrir hendi. Sömuleiðis er gerð krafa um að birta eignaupplýsingar eða verkefni á GIS-korti. BIM (Building Information Model) er orðin staðreynd og allar helstu stærri byggingar eru gerðar með BIM-tækni í dag. Það var töluverð áskorun að geta nýtt sér þessar upplýsingar sem grunn í rekstri og viðhaldi fasteigna. Í góðri samvinnu við Catenda í Noregi var þetta leyst og MainManager hefur tekið forystu á þessu sviði í dag.
Stórir fasteignaeigendur eins og Statsbygg í Noregi, Region Midt (Aarhus hospital) og stórir opinberir aðilar í Englandi eru að hugleiða notkun á þessu og verða fyrstir til að nota þessa tækni í rekstri og viðhaldi eigna sinna. Önnur áskorun sem félagið leysti í þessu verkefni var að tengjast Matrikkel tjenesten í Noregi í samvinnu við Trondheim kommune. Trondheim á hundruð fasteigna sem verða lesnar inn frá Matrikkel tjenesten beint inn í Mainamanger og tengjast beint GIS-kerfi sveitarfélagsins. MainManager ráðgerir að sýna frumgerðina á ráðstefnu á Íslandi á haustmánuðum.
Afrakstur verkefnisins mun að öllum líkindum auka veltu MainManager um 150 milljónir árlega strax árið 2020.
