Vindorkuframleiðsla fyrir flutningsskip - verkefni lokið
Fréttatilkynning verkefnisstjóra
Sidewind stefnir að því að búa til raunhæfan grænan valkost sem gerir flutningaskipum kleift að framleiða rafmagn og létta þar af leiðandi af álagi vélarinnar
Lausn Sidewind snýr að því að setja lárréttar vindmillur lóðrétt inní hliðarlausa gáma sem ekki má nota lengur til flutninga.
Túrbínublöðin verða framleidd úr endurunni plasti. Gámavindmyllurnar
eru lagðar ofan á fullfermt skip og tengdar við aðalvél skipsins eða tengdar
inn á batterí. Fjöldi vindmilla fer eftir stærð skipsins. Hægt verður að nota Sidewind
lausnina með öllum framtíðar orkulausnum, eins og vetni, ammoníaki,
lífeldsneyti og rafskipum.
Búið er að fullhanna og smíða fyrstu frumgerðina í fullri stærð, þ.e. 10 metra löng vindmilla inní 12 metra löngum opnum gámi (40 feta). Frumgerðir verður notuð til þess að mæla orku og kanna virkni hennar úti á hafi. Einnig verður kannað með álag á legur, túrbínublöð og annan búnað og farið í frekari þróun eftir mælingar.
HEITI VERKEFNIS: Vindorkuframleiðsla
fyrir flutningsskip
Verkefnisstjóri: María Kristín Þrastardóttir
Styrkþegi: Sidewind ehf.
Tegund styrks: Sproti
Fjöldi styrkára: 2
Fjárhæð styrks: 20.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
