Treble - Sýndarhljóðvist - verkefni lokið

Fréttatilkynning verkefnisstjóra

31.8.2022

Á fyrsta ári vekefnisins gekkk Treble í gegnum miklar breytingar og hefur starfsemin vaxið mikið með aðkomu fjárfesta. Spretts styrkurinn var afar mikilvægur fyrir félagið og má segja að veiting styrksins hafi ýtt fyrirtækinu úr vör af alvöru. 

Verkefnið snéri að þróun hugbúnaðar, sem mun gjörbylta því hvernig unnið er með hljóðvist við hönnun bygginga. Síðastliðin ár hefur orðið mikil vitundarvakning varaðandi mikilvægi góðrar hljóðvistar. En þar sem hljóðvist er mjög óáþreifanlegt fyrirbæri, getur reynst erfitt fyrir ekki-hljóðsérfræðinga, s.s. arkitekta og hagsmunaaðila, að vinna með hljóðvistina. Þau stafrænu hljóðvistartól sem eru nú á markaðnum eru öll sérhæfð verkfræðitól með flóknum ferlum og eru þar að auki byggð á úreltri og ónákvæmri tækni. Treble er byggt á nýjum vísindalegum framförum okkar á sviði hermunartækni, sem gera okkur kleift að útbúa nákvæma „sýndarhljóðvist“ í 3D byggingarlíkönum. Þetta þýðir að notandinn getur „stigið inn“ í módelið, t.d. með hjálp sýndarveruleikatækni og unnið með og upplifað hönnunina í rauntíma, í auðskiljanlegri og heildrænni sýndarupplifun sem sameinar hljóð og mynd. Þannig gerum við hönnuðum bygginga auðvelt að hanna með tilliti til hljóðvistar.

Allar skilgreindar vöruður náðust og var tilheyrandi afrakstri skilað í samræmi við áætlanir. Treble hlaut haustið 2021 R&Þ styrk undir merkjum Vaxtar og mun áframhaldandi þróun eiga sér stað undir þeim merkjum. Stefnt er á að hefja markaðssetningu fyrstu lausnar Treble árið 2022.

Sjá: https://treble.tech/

HEITI VERKEFNIS: Treble – Sýndarhljóðvist

Verkefnisstjóri: Finnur Pind

Styrkþegi: Treble Technologies ehf.

Tegund styrks:Sproti

Fjöldi styrkára: 1

Fjárhæð styrks: 10.000.000 ISL kr. alls

VERKEFNIÐ VAR STYRKT AF TÆKNIÞRÓUNARSJÓÐI.