Sköpunartorg fyrir ríkisstofnanir og sveitarfélög - verkefni lokið
Fréttatilkynning verkefnisstjóra
Karolina Fund ehf. hlaut styrk til að markaðssetja lausnir til ríkisstofnana og sveitarfélaga á Íslandi, á Norðurlöndunum og í Bretlandi. Áhersla var lögð á greiningar á mörkuðum og vörumerki fyrirtækisins, gerð kynningarefnis og stafræna sölusókn.
Einn helsti afrakstur verkefnisins er vörumerkið Karolina, þjónustufyrirtæki í borgaralýðræðis- og hópfjármögnunartækni. Vörumerkið Karolina er hreyfiafl nýsköpunar, menningar, lista og samfélagslegra umbóta. Afraksturinn má sjá í allri efnissköpun, hönnun og markaðsefni fyrirtækisins í dag. Jafnframt litu vefsíðurnar karolina.io og community.karolina.io/en dagsins ljós.
Skapandi greinar og samfélagsmál eru einn af
undirstöðuatvinnuvegum flestra landa og því er það mjög alvarlegt mál þegar
hluti hans leggst á hliðina eins og hefur gerst í kjölfar Covid-19 faraldursins,
líkt og því er til dæmis farið með menningar, tónlist, sviðslistir og
samsköpun. Skapandi greinar og samfélagsleg nýsköpun eru auðlind sem skilar
efnahags- og menningarlegum gæðum til samfélagsins í formi atvinnu, framleiðslu
á vöru og þjónustu til neyslu innanlands og útflutnings. Þó aðstæður hafi verið
krefjandi þá erum við ánægð með afrakstur verkefnisins. Vörumerkið hefur gengið
í gegnum endurnýjun og tengt betur við gildi fyrirtækisins. Mikilvægri þekkingu
og reynslu hefur verið aflað í tengslum við framsetningu lausna og markað
fyrirtækisins. Bein markaðsetning hefur gengur vel og þá hefur fyrirtækið náð
að skapa góða grunn fyrir komandi tíma með öflugum sölu- og markaðs verkfærum.
Við metum árangur einnig í þeirra ánægju að sjá verkefni raungerast og af þeim samfélagslegu áhrifum sem af þeim hljótast. Við erum stolt af þeim árangri og þeim samfélagslegu áhrifum sem við höfum náð í samvinnu við okkar viðskiptavini og samstarfsaðila. Við erum hvergi nærri hætt í þeirri vegferð að auka samfélagsleg gæði með áframhaldandi þróun á lausnum Karolina.
HEITI VERKEFNIS: Sköpunartorg fyrir ríkisstofnanir og sveitarfélög
Verkefnisstjóri: Sævar Ólafsson
Styrkþegi Karolina Fund ehf.
Tegund styrks: Markaðsstyrkur
Fjöldi styrkára: 2
Fjárhæð styrks: 7.660.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
