Nýstárlegur flokkur sýklalyfja - verkefni lokið
Fréttatilkynning verkefnisstjóra
Akthelia hefur náð þeim áfanga að sýna fram á virkni lyfjavísisins AKT-011 í E. coli sýkingartilraun í músum. Verkefnið sem var unnið með stuðningi Tækniþróunarsjóðs stóð í rúmlega 2 ár. Gerðar voru fjölmargar rannsóknir á eiginleikum, virkni og eituráhrifum lyfjavísa Aktheliu.
Í músatilrauninni tókst að fækka sýklum í meltingarvegi sýktra músa 1000 falt með AKT-011 efninu sem er nýstárlegt lyf gegn sýkingum sem drepur ekki sýkla beint heldur eflir innbyggðar varnir líkamans sem í kjölfarið ráða niðurlögum sýkingarinnar.
Líklega virkar lyfjavísirinn á sýklalyfjaónæma sýkla sem að auki
munu ekki þróaónæmi gegn lyfinu. Loks mun AKT-011 líklega ekki raska
náttúrulegri þarmaflóru líkamans. Lyfið yrði gefið á töfluformi. Komist lyfið á
markað gæti það valdið byltingu í meðferð ýmissa sýkinga.
Um er að ræða stærsta áfangann í starfsemi Aktheliu og í framhaldinu verður unnið að frekari rannsóknum sem undibúning fyrir tilraunir í mönnum og umsókn um skráningu lyfsins. Það eru nokkur ár þar til lyfið gæti farið á markað.
Sjá nánar á: https://akthelia.is/
HEITI VERKEFNIS: Nýstárlegur flokkur sýklalyfja
Verkefnisstjóri: Egill Másson
Styrkþegi: Akthelia ehf.
Tegund styrks: Vöxtur
Fjöldi styrkára: 2
Fjárhæð styrks: 46.459.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
