Notkun þorskroðs við munnholsaðgerðir - verkefni lokið
Fréttatilkynning verkefnisstjóra
Árið 2019 ákvað Tækniþróunarsjóður að styrkja verkefni Kerecis þar sem unnið er að þróun á vörum til notkunar sem ígræðsluefni í munnholi.
Styrkurinn gerði Kerecis kleift að þróa og rannsaka roð sem viðgerðarefni við skurðaðgerðir í munnholi og voru niðurstöður einkar jákvæðar. Þróunarverkefnið er mikilvægt í vegferð Kerecis í að breikka tækni- og vörugrunn fyrirtækisins, en þorri tekna fyrirtækisins kemur frá meðhöndlun á ýmiskonar húðskaða.
Þrátt fyrir tafir af völdum kórónuveiruheimsfaraldursins hefur
verkefnið skilað góðum árangri og má þar nefna leyfisveitingar frá Bandarísku
matvæla- og lyfjastofnuninni og birtingu á vísindagrein í The International
Journal of Perodontics and Restorative Dentistry. Gert er ráð fyrir birtingu
fleiri greina í framtíðinni um niðurstöður verkefnisins m.a. í samvinnu við
þekkta rannsakendur við Tufts og New York háskóla í Bandaríkjunum.
Niðurstöður verkefnisins eru mikilvægur áfangi í undirbúning Kerecis að markaðssetningu og markaðsleyfum fyrir vörur til munnholsviðgerða á heimsvísu.
Kerecis er brautryðjandi í framleiðslu á lækningavörum úr þorskroði og fitusýrum sem verja líkamsvef og græða. Vörur fyrirtækisins eru framleiddar á Ísafirði, vöruþróun fer fram í Reyjavík og sölu- og markaðsstarf á Washington D.C. svæðinu í Bandaríkjunum og í Svisslandi
HEITI VERKEFNIS: Notkun þorskroðs við munnholsaðgerðir.
Verkefnisstjóri: Gunnar Jóhansson
Styrkþegi: Kerecis ehf.
Tegund styrks: Vöxtur
Fjöldi styrkára: 2
Fjárhæð styrks: 25.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
