Markaðssetning umhverfisvæns áburðar - verkefni lokið
Fréttatilkynning verkefnisstjóra
Atmonia ehf. lauk í lok apríl 2021 verkefni sem styrkt var af Tækniþróunarsjóði. Tilgangur verkefnisins var að þróa viðskiptasambönd fyrir tækni Atmonia sem er í þróun og kemur á markað á næstu árum.
Verkefnið gekk vonum framar og hefur viðskiptasamböndum verið
komið á við fjölda fyrirtækja í Bandaríkjunum og Evrópu, sem öll bíða þess nú
að Atmonia hefji framleiðslu á sinni fyrstu vöru. Tvö verkefni sem snúa að
byggingu verksmiðja með framleiðslugetu upp á tugþúsundir tonna af ammoníaki
standa þar upp úr sem þau umfangsmestu. Samningaviðræður eru kominar vel á veg
og bíða mótaðilar á hvorum stað eftir frumgerð af tæki Atmonia til prófunar,
annar í Bandaríkjunum og hinn í Evrópu. Annars vegar er um að ræða
áburðarframleiðanda sem vill hafa eigin framleiðslu á nitri í vörur sínar í
stað þess að þurfa reiða sig á þriðja aðila, og hins vegar matarframleiðenda
sem vill lækka kolefnisfótspor vara sinna með því að sjá til þess a bændur þeir
sem rækta hráefni í vörur þeirra noti umhverfisvænt nitur sem áburð. Hvort
fyrirtækið telur yfir tíu þúsund starfsmenn. 
Verkefnið hefur því nú tryggt upptöku á vöru Atmonia á markaði þegar hún verður tilbúin, en hröð og mikil upptaka markaðins á vörum Atmonia mun fljótt hafa umfangsmikil áhrif á kolefnis-fótspor í ræktun, þar sem núverandi niturframleiðsla til ræktunar er einn helsti staki mengurnarvaldur í heiminum í dag.
Um Atmonia: Atmonia ehf. er frumkvöðlafyrirtæki sem vinnur að þróun tækni til framleiðslu umhverfisvæns ammoníaks úr andrúmslofti, vatni og rafmagni. Ammoníak er notað í framleiðslu á nituráburði, en án slíks áburðar myndu uppskerur á matvælum heimsins vera langtum minni. Núverandi framleiðsluaðferðir á ammoníaki eru hins vegar ábyrgar fyrir meira en 1% af losun gróðurhúsalofttegundum af mannavöldum ár hvert og því mikilvægt að finna umhverfisvæna tækni til framleiðslu þess. Atmonia vinnur ennfremur að þróun tækni til framleiðslu nítrats, sem er í dag framleitt úr ammoníaki með sérlega óumhverfisvænum ferlum.
HEITI VERKEFNIS Markaðssetning umhvervisvæns áburðar
Verkefnisstjóri: Hákon Birgisson
Styrkþegi: Atmonia ehf.
Tegund styrks: Markaðsstyrkur
Fjöldi styrkára: 1
Fjárhæð styrks: 10.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
