Lucinity ClearLens – Peningaþvættislausnir - verkefni lokið
Fréttatilkynning verkefnisstjóra
Skýjalausn Lucinity sem finnur og meðhöndlar peningaþvætti.
Fyrirtækið Lucinity hefur smíðað og markaðssett skýjalausn byggða
á “Human AI”. Síðastliðið ár hefur hluti verkefnisins verið fjármagnaður af
Tækniþróunarsjóði í gegnum Sprett. Lucinity framleiðir hugbúnað sem að hjálpar
bönkum að verjast peningaþvætti. Peningaþvætti er samfélagsmein af gríðarlegri
stærðargráðu og glæpurinn sem fjármagnar glæpi. Rúmlega 2,5 billjónir dollara
eru þvættaðir á ári hverju í gegnum fjármálakerfi heimsins. Bönkum ber skylda
til þess að vakta viðskiptamenn sína til þess að sporna við flæði illa fengins
fé og nota til þess tækni líkt og þá sem Lucinity framleiðir.
Lucinity byggir sinn samkeppnisgrundvöll á Human AI hugmyndafræðinni. Human AI gengur út á að brúa bilið á milli manneskja og gervigreindar. Þannig má tryggja að hæfileikar okkar séu nýttir til hins ýtrasta og þeir magnaðir með gervigreind. Þessi aðferðafræði hefur fallið vel í kramið hjá bönkum víðsvegar um Evrópu og Bandaríkin og státar Lucinity sig nú af viðskiptavinum frá minni íslenskum fjártæknifyrirtækjum upp í stóra alþjóðlega banka.
Vörður verkefnisins sem fjármagnað var með Spretti voru rannsóknargreinar, áframhaldandi þróun notendaviðmóts, uppbygging á nýrri virkni í leitarvél og gervigreindarmenninu Lux. Þá steig Lucinity sín fyrstu haldbæru skref í framleiðslu á aðferð til þess að bankar geti lært hver af öðrum í meðhöndlun peningaþvættismála, án þess að deila gögnum. Aðferðin er sem stendur í umsóknarferli fyrir einkaleyfi á bandaríkjamarkaði. Allt voru þetta verkefni sem spiluðu mikilvægan sess í árangri síðasta árs og búa fyrirtækið undir farsæla framtíð á komandi misserum.
HEITI VERKEFNIS: Lucinity ClearLens – Peningaþvættislausnir
Verkefnisstjóri: Guðmundur Rúnar Kristjánsson
Styrkþegi: Lucinity ehf
Tegund styrks: Vöxtur
Fjöldi styrkára: 1
Fjárhæð styrks: 35.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
