Forspárgildi svefngæða á heilsu - verkefni lokið
Fréttatilkynning verkefnisstjóra
Tækniþróunarsjóður Rannís styrkir hagnýt verkefni sem stuðla að samstarfi háskólastofnana og fyrirtækja, með það að markmiði að greiða leið tækninýjunga inn í vöruþróun. Nox Medical, Íslensk erfðagreining og Háskólinn í Reykjavik hafa unnið að þróun nýrra aðferða við greiningu á svefnmælingum.
Tilgangur verkefnisins var þróa nýjar sjálfvirkar aðferðir til að lesa úr merkjunum og nýta þær með hliðsjón af víðtæku gagnasafni Íslenskrar erfðagreiningar til að meta forspárgildi svefngæða á heilsu.
Íslensk
erfðagreining hefur í samvinnu við Nox Medical mælt lífmerki svo sem heilarit,
hjartarit, vöðvarit og öndun í svefni hjá um 3000 fullorðnum einstaklingum
samhliða söfnun annarra heilbrigðisgagna. Vísindafólk á vegum Nox Medical og
Háskólans í Reykjavík unnu úr gögnunum við þróun nýrra aðferða. Afurðir
verkefnisins hafa nú þegar verið innleiddar af Nox Medical og verða gefnar út í
lækningatækjum þess á vormisseri 2021. Einnig hefur verkefnið stuðlað að
mikilli uppbyggingu þekkingar á svefni og úrvinnslu svefnmælinga hjá Háskólanum
í Reykjavík, sem hefur nýst við stofnun Svefnseturs Háskólans í Reykjavík og
við öflun stórs styrks frá Evrópusambandinu. Fjöldi vísindagreina, fyrirlestra,
og veggspjalda hefur verið birtur með niðurstöðum verkefnisins í alþjóðlegum vísindatímaritum
og á ráðstefnum.
Samstarfsverkefni sýnir hvernig opinberir rannsóknar- og þróunarstyrkir geta stuðlað að nýsköpun í fyrirtækjum, stutt við sókn í rannsóknarstyriki hjá Evrópusambandinu, og stuðlað að uppbyggingu í háskólum. Nýsköpunarstarf er mikilvægt Nox Medical bæði sem tæki til markaðssetningar og til aðgreiningar á núverandi markaði og í þeirri háleitu vinnu að breyta því hvernig svefnmælingar og greiningar eru framkvæmdar.
HEITI VERKEFNI: Forspárgildi svefngæða á heilsu
Verkefnisstjóri: Halla Helgadóttir, Nox Medical
Styrkþegi: Reykjavík University
Tegund styrks: Hagnýt rannsóknaverkefni
Fjöldi styrkára: 3
Fjárhæð styrks: 45.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
