Rannsóknir og nýsköpun

Langtímasamstarf íslenskra og norskra stofnana og sóknar- og ferðastyrkir vegna undirbúningsvinnu við gerð umsókna í samkeppnissjóði.

Áætlun helguð samvinnu hug- og félagsvísinda á vegum Horizon Europe, með áherslu á rannsóknir á samfélagsbreytingum og menningarþróun á stafrænum tímum.

COST verkefni veita styrki til að sækja ráðstefnur og fundi og er markmiðið að byggja upp samstarfsnet á ákveðnum fræðasviðum

Digital Europe mun móta stafræna framtíð Evrópu og styður við verkefni sem brúa bilið milli rannsókna og þróunar og stafrænna afurða á markaði.

Sjóðnum er ætlað að styrkja rannsóknir á samspili landnýtingar og loftslags.

Employment and Social Innovation (EaSI) styrkir fjölbreytt verkefni á sviði vinnumarkaðsmála og félagslegrar nýsköpunar

Enterprise Europe Network aðstoðar fyrirtæki við sókn á nýja markaði, við nýsköpun og við leit af erlendum samstarfsaðilum. Öll þjónustan er gjaldfrjáls!

Samstarfsverkefni milli minnst þriggja þátttökulanda.

Euraxess starfatorgið veitir upplýsingar um laus störf í rannsóknum

Eurostars eru fyrir lítil og meðalstór fyrirtæki sem stunda sjálf rannsóknar- og þróunarstarfsemi, sem eru í alþjóðlegu samstarfi og stefna á markað. Tilvalið fyrsta skref í alþjóðlegu samstarfi og gerir það smærri fyrirtækjum kleift að sameina og deila sérþekkingu og njóta góðs af því að vinna utan landamæra.

Frádráttarheimild fyrir erlenda sérfræðinga sem ráðnir eru til starfa hér á landi vegna sérþekkingar sinnar og reynslu.

Hlutverk Geothermica er að efla rannsóknir og þróun á sviði jarðvarma og stuðla að hagnýtingu niðurstaðna styrktra verkefna.

Styður við rannsóknir og nýsköpun á öllum fræðasviðum.

Styrkir til rannsókna fyrir háskóla, fyrirtæki og stofnanir er falla undir 6 skilgreinda klasa.

Styrkir til framúrskarandi vísindamanna og til að auka aðgengi að rannsóknainnviðum.

Styrkir til nýsköpunar fyrir fyrirtæki, stofnanir og háskóla.

Styrkir til að efla þátttöku "Widening countries".

Ætlað til að fjármagna aðkeypta þjónustu til sóknar á erlenda markaði utan Evrópu.

Veitir styrki til kaupa á tækjum, gagnagrunnum og hugbúnaði og öðrum þeim búnaði sem telst mikilvægur fyrir framfarir í rannsóknum.

Tilgangur Jafnréttissjóðs Íslands er að styrkja verkefni og rannsóknir sem miða að því að efla jafnrétti kynjanna.

Samstarf milli Íslands og Frakklands á sviði vísinda og tæknirannsókna

LIFE áætlunin fjármagnar verkefni sem takast á við umhverfis- og loftslagsbreytingar.

Tilgangur Loftslagssjóðs er að styðja við nýsköpunarverkefni á sviði loftslagsmála og verkefni sem lúta að kynningu og fræðslu um áhrif loftslagsbreytinga.

Markáætlun í tungu og tækni er opinn samkeppnissjóður sem starfar samkvæmt lögum um opinberan stuðning við vísindarannsóknir.

Markmiðið áætlunarinnar er að leiða saman þekkingu og styrkleika mismunandi fagsviða, tækni- og fræðigreina og þannig stuðla að auknum skilningi á íslensku samfélagi og umhverfi. Finna lausnir og styðja við fjölbreytt og nýsköpunarmiðað samfélag á tímum örra breytinga.

Menntarannsóknasjóður styrkir hagnýtar menntarannsóknir á sviði leikskóla, grunnskóla, framhaldsskóla, náms á framhaldsskólastigi og frístundastarfs.

Markmið styrksins er að efla netöryggi og varnir, og stuðla þannig að öryggi gagnvart netárásum.

Markmið NordForsk er að stuðla að auknu rannsóknasamstarfi Norðurlandanna og tryggja gæði, árangur og skilvirkni norræns rannsóknasamstarfs.

NOS-HS er samstarfsvettvangur í hug- og félagsvísindum á vegum fjármögnunaraðila rannsókna í Danmörku, Finnlandi, Íslandi, Noregi og Svíþjóð

Styrkir til háskóla og rannsóknarstofnana til að ráða stúdenta í grunn- og meistaranámi til sumarvinnu við rannsóknarverkefni.

Styrkir til að efla rannsóknir á korta- og landfræðisögu Íslands og íslenskri bókfræði og stuðla að útgáfu rita um þau efni.

Þverfaglegt rannsóknasetur stofnað af Carlsbergsjóðinum í samvinnu við íslensk stjórnvöld til að auka skilning á samspili loftslagsbreytinga og vistkerfa hafsins og mikilvægi þeirra fyrir íslenskt samfélag og menningu.

Rannsóknasjóður er opinn samkeppnissjóður sem veitir styrki samkvæmt almennum áherslum Vísinda- og tækniráðs og á grundvelli faglegs mats á gæðum rannsóknarverkefna.

Áætlun fyrir rannsakendur sem hafa áhuga á samstarfi, eða eru í samstarfi við aðila í Bretlandi.

Markmiðið er að efla rannsóknir og þróunarstarf og bæta samkeppnisskilyrði nýsköpunarfyrirtækja með því að veita þeim rétt til skattfrádráttar vegna kostnaðar við nýsköpunarverkefni.

Styrkir til undirbúnings umsókna í alþjóðlega rannsóknasjóði, vegna umsóknarskrifa og ráðgjafaþjónustu eða vegna undirbúnings verkefna undir íslenskri verkefnastjórn.

Þróun og nýjungar í skólastarfi í samræmi við stefnu stjórnvalda og aðalnámskrá.

Hægt er að sækja um styrki til að vinna að ritun fræðirita og –greina, handbóka, orðabóka og víðamikils upplýsingaefnis á íslensku í ýmsu formi.

Styrkir til þróunarstarfs og rannsókna á sviði tækniþróunar sem miða að nýsköpun í atvinnulífinu

Einkaleyfisstyrkir eru annars vegar til að undirbúa og skila inn forgangsréttarumsókn og hins vegar að undirbúa og skila inn umsókn í alþjóðlegt ferli.

Fyrirtækjastyrkur Fræ hefur það að markmiði að styðja við hugmyndir og verkefni á frumstigi sem getur leitt af sér stærra þróunarverkefni.

Hagnýt rannsóknarverkefni hafa það að markmiði að afla nýrrar þekkingar og kunnáttu sem nýtist til að þróa nýjar vörur, verkferla eða þjónustu eða til að koma í kring umtalsverðum endurbótum á eldri vörum, verkferlum eða þjónustu. Verkefnið þarf að vera með skýr og raunhæf markmið um hagnýtingu niðurstaðna á markaði.

Hægt er að sækja um styrk vegna sérstaks markaðsátaks en einnig uppbyggingu innviða fyrirtækisins sem tengjast sókn á markaði.

Sproti er ætlaður til að styðja við verkefni á byrjunarstigi.

Vöxtur er ætlaður til að styrkja þróunarverkefni sem eru komin af frumstigi hugmyndar. Sprettur er öndvegisstyrkur innan Vaxtar.

Menntunar-, samskipta-, og rannsóknastyrkir tengdir mörgum efnisflokkum.

Nýsköpun, þróun, gerð og útgáfa námsgagna fyrir leik-, grunn- og framhaldsskóla