Opið er fyrir umsóknir í Nordplus 2023
Opnað hefur verið fyrir umsóknir um styrki í Nordplus, menntaáætlun Norrænu ráðherranefndarinnar 2023-2027. Áhersluatriði áætlunarinnar fyrir 2023 og 2024 er að efla menntasamstarf til að stuðla að samfélagslega sjálfbærri framtíð. Umsóknarfrestur er til 1. febrúar 2023.
Hægt er að sækja um styrki til nemenda- og starfsmannaskipta sem og samstarfsverkefna á leik-, grunn- og framhaldsskólastigi (Nordplus Junior), á háskólastigi (Nordplus Higher Education), í fullorðinsfræðslu (Nordplus Adult), til norrænna tungumála (Nordplus Nordic Language) og í þveráætlun Nordplus (Nordplus Horizontal).
Áhersluatriði áætlunarinnar fyrir 2023 og 2024 er að efla menntasamstarf til að stuðla að samfélagslega sjálfbærri framtíð. Það er þó ekki skilyrði fyrir styrk að umsóknin fjalli um áhersluatriðin heldur er einnig horft á almenn gæði umsókna.
Umsóknarfrestur er til 1. febrúar 2023 kl. 23:59 (CET).
Nánari upplýsingar má finna á Nordplusonline.org . Þar er að finna tengla á Espresso-umsóknarkerfið þar sem sótt er um styrki og Nordplus handbókina fyrir 2023.
Ef einhverjar spurningar vakna eru umsækjendur hvattir til að hafa samband við:
- Nordplus fyrir leik-grunn- og framhaldsskóla: Skúli Leifsson
- Nordplus fyrir háskólastigið: Hulda Hrafnkelsdóttir
- Nordplus fyrir fullorðinsfræðslu: Margrét Jóhannsdóttir
- Norræn tungumál og Horizontal, þveráætlun sem nær yfir öll skólastig: Eydís Inga Valsdóttir
