Góð uppskera Íslendinga á síðustu sjö árum í Creative Europe
Núverandi tímabil Creative Europe (2014-2020) er að ljúka. Í MEDIA hlutanum hefur árangur Íslendinga verið framúrskarandi en alls hefur rúmlega 1,3 milljarður ISK runnið til íslenskrar kvikmyndagerðar á þessu tímabili. Úr menningarhlutanum hefur íslenskum menningarstofnunum og félögum verið úthlutað rúmlega 170 milljónum ISK á sl. sjö árum.
Creative Euorope /MEDIA
Íslenskar kvikmyndir hafa átt góðu gengi að fagna um árabil og á síðustu árum hafa íslenskar sjónvarpsþáttaraðir orðið eftirsóttar hjá streymisveitum og sjónvarpsstöðvum í Evrópu. Það er einstakt að sjá hve íslenskir kvikmyndagerðarmenn og verk þeirra eru vel metin á alþjóðamarkaði.
Árið 2020 fengu íslensk verkefni úthlutað 2.292.116€ eða 354 milljónum ISK er það frábær árangur á tímum heimsfaraldurs og í raun sá besti frá því að Íslendingar hófu þátttöku í MEDIA áætluninni árið 1992.
Árið 2020 skiptust styrkirnir á eftirfarandi hátt:
Styrkir til framleiðslu á sjónvarpsefni
Fjórar íslenskar umsóknir bárust í sjónvarpssjóð MEDIA og fengu þrjár þeirra úthlutun upp á samtals 1.471.065€:
- Evrópa kvikmyndir (Vesturport) fékk 500.000€ styrk fyrir sjónvarpsþáttaröðina Verbúð (Blackport)
- Glassriver fékk 482.000€ styrk fyrir sjónvarpsþáttaröðina Vitjanir (Fractures)
- Sagafilm fékk 489.065€ styrk fyrir þáttaröðina Systrabönd
Styrkur til dreifingar á íslenskri kvikmynd
Kvikmyndin Dýrið sem Valdimar Jóhannson leikstýrði fékk 517.332€ til að dreifingar til 21 Evrópulanda. Kvikmyndin verður frumsýnd á næsta ári.
Styrkir til undirbúnings og framleiðslu kvikmynda
Ellefu umsóknir voru sendar inn og fengu fjórar þeirra úthlutun upp á samtals 175.000€.
- Framleiðslufyrirtækið Zikzak fékk 50.000€ fyrir kvikmyndina Afturelding (Backfire)
- Hreyfimyndasmiðjan fékk 50.000€ fyrir kvikmyndina Vera and the Third Stone
- Netop fékk 50.000€ fyrir kvikmyndina Northern Comfort
- Fyrirtækið Fimp ehf. fékk 25.000€ fyrir heimildamyndina Varado – The Curse of Gold
Styrkir til kvikmyndahátíða
Kvikmyndahátiðin RIFF 2020 fékk styrk að upphæð 55.000€.
Styrkir til að sýna evrópskar myndir á Íslandi
Íslenskir dreifendur fengu styrki að upphæð 23.647€ til að sýna fimm evrópskar kvikmyndir á landinu.
Kvikmyndirnar heita:
- Été 85 frönsk mynd , leikstóri Francois Ozon
- Nowhere Special frá ítalíu og er leikstjóri hennar Umberto Pasolini
- Charlatan leikstjóri Agnieszka Holland frá Slóvakíu
- Druk frá Thomas Vinterberg Danmörk og
- Supernova frá Írlandi, leikstjóri Harry Macqueen
Bíómiðastyrkir fyrir sýningar á evrópskum kvikmyndum á Íslandi
Fyrirtækið Myndform fékk úthlutað 32.748€ og Bíó Paradís fékk 5.324€ sem reiknast sem hlutfall af sölu bíómiða. Bíó Paradís fékk einnig 12.000€ styrk frá Europa Cinemas, en styrkur byggir á fjölda evrópskra bíómyndasýninga.
Creative Europe /Menning
Við lok þessa tímabils (2014-2020) Creative Europe áætlunarinnar hafa 12 íslenskar menningarstofnanir eða félög þegið um 1,1 milljón€ í styrki til evrópskra samstarfs- menningarverkefna eða um 170 milljónir íslenskra króna.
Árið 2020 fengu þrjú samstarfsverkefni með íslenskri þátttöku úthlutað 300.000€ eða um 45 milljónir ISK.
Árið 2020 skiptust styrkirnir á eftirfarandi hátt:
- Academy of the senses fær styrk að upphæð 72.353€
- Reykjavík Dance Festival fær styrk að upphæð 85.000€
- Alternance fær styrk að upphæð 140.354€
