Vísindavaka Rannís
Stefnumót við vísindamenn!
Á Vísindavöku Rannís stendur almenningi til boða sannkölluð vísindaveisla þar sem okkar fremsta vísindafólk sýnir og segir frá rannsóknum og nýsköpun á lifandi og gagnvirkan hátt.
Rannís skipuleggur Vísindavöku á Íslandi í samstarfi við íslenska háskóla, stofnanir og fyrirtæki á sviði rannsókna og nýsköpunar
Viðburðurinn er haldin samhliða sambærilegum vísindaviðburðum í helstu borgum Evrópu síðustu helgina í september undir heitinu European Researchers' Night en Vísindavaka hefur síðustu ár verið styrkt af Marie Sklodowska-Curie undir Horizon Europe rannsókna- og nýsköpunaráætlun Evrópusambandsins, Rannís og háskóla-, iðnaðar- og nýsköpunarráðuneytinu.
Markmiðið með Vísindavöku á Íslandi er meðal annars að vekja fólk til umhugsunar um mikilvægi rannsókna- og vísindastarfs í nútímasamfélagi. það er gert með lifandi kynningum og boðið upp á skemmtilega og fræðandi viðburði fyrir alla fjölskylduna. Allar vísindagreinar eru kynntar á Vísindavöku, hugvísindi jafnt sem raunvísindi.
