Evrópusamvinna í 30 ár - Uppskeruhátíð Evrópuverkefna
Miðvikudaginn 8. maí 2024 er öllum boðið á sérstaka uppskeruhátíð þar sem Evrópusamvinnu verður fagnað.
Hátíðin ber yfirskriftina Evrópusamvinna í 30 ár og fer fram miðvikudaginn 8. maí 2024 frá klukkan 14:00 til 18:00 í Kolaportinu.
Á hátíðinni verður fagnað árangri undanfarinna ára þar sem gestir geta kynnt sér fjölmörg verkefni sem hafa fengið styrki úr áætlunum ESB. Verkefnin koma alls staðar að úr samfélaginu, enda hafa samstarfsáætlanir ESB styrkt íslenska aðila á sviði menntamála, kvikmyndagerðar, æskulýðsmála, rannsókna, nýsköpunar, almannavarna og fleiri sviðum.
Guðni Th. Jóhannesson, forseti Íslands, mun opna hátíðina.
Á sýningarsvæði hátíðarinnar í Kolaportinu munu sýnendur taka á móti gestum með fróðleik og skemmtun um árangur þeirra verkefna sem styrkt hafa verið og áhrif þeirra á íslenskt samfélag.
Þá verður sérstök dagskrá á sviði þar sem styrk verkefni gleðja gesti með söng og tónlist svo eitthvað sé nefnt.
Og að sjálfsögðu verður gestum boðið upp á afmælisköku og kaffi eins og á öllum alvöru afmælishátíðum.
Evrópusamvinna í 30 ár er sannkölluð uppskeruhátíð fyrir íslenskt samfélag og er fólk á öllum aldri velkomið að mæta, fræðast og fagna með okkur.
Fjölmörg munu kynna árangur sinna verkefna. Meðal þátttakenda eru:
| ARTCRAFT |
| Baskavinafélagið á Íslandi |
| Embætti Landlæknis |
| European Consumer Centre (ECC) |
| Fjölbrautaskólinn í Breiðholti |
| Fjölmennt |
| Framhaldsskólinn í Austur-Skaftafellssýlu |
| Fræðslumiðstöð atvinnulífsins |
| Gullkistan - miðstöð sköpunar |
| Háskóli Íslands |
| Háskólinn á Akureyri |
| Háskólinn í Reykjavík |
| Húnaklúbburinn |
| Iðan fræðslusetur |
| Kópavogsbær |
| Landbúnaðarháskólinn |
| Leikskólinn Akrasel |
| Leikskólinn Gefnarborg |
| Listvinnslan |
| Matís |
| Menntaskólinn á Ísafirði |
| Menntaskólinn á Tröllaskaga |
| Myndlistaskólinn í Reykjavík |
| Nýheimar þekkingarsetur |
| Styrktarfélag lamaðra og fatlaðra |
| Textílmiðstöð Íslands |
| Tónlistarskóli Kópavogs |
| Tækniskólinn |
| Ungmennafélag Íslands |
| Verkmenntaskóli Austurlands |
| Verkmenntaskólinn á Akureyri |
| Verzlunarskóli Íslands |
Þá mun sendiráð nokkurra aðildarríkja Evrópusambandsins ásamt Sendinefnd ESB og kjörræðismanni Rúmeninu á Íslandi, kynna menningu sína og tengsl sín við Ísland
| Kjörræðismaður Rúmeníu á Íslandi |
| Sendinefnd Evrópusambandsins |
| Sendiráð Danmerkur |
| Sendiráð Finnlands |
| Sendiráð Frakklands |
| Sendiráð Póllands |
| Sendiráð Slóvenía |
| Sendiráð Spánar |
| Sendiráð Svíþjóðar |
| Sendiráð Þýskalands |
