Háskólar, stofnanir og fyrirtæki sem sækja um styrki í alþjóðlega rannsóknasjóði geta sótt um Sóknarstyrki. Forgangur er veittur umsóknum í Horizon Europe rannsókna- og nýsköpunaráætlun ESB og norræn samfjármögnunarverkefni, t.d. NordForsk.
Styrkir eru eingöngu greiddir inn á bankareikinga íslenskra stofnana eða lögaðila og umsækjandi um Sóknarstyrk þarf að gegna starfi við bókhaldsstofnun umsóknar.
Að styrkja íslenska lögaðila í að undirbúa sókn í alþjóðlega rannsóknasjóði og samstarfsáætlanir sem Ísland er aðili að.
Opið er fyrir umsóknir allt árið. Úthlutað er í desember hvert ár.
Sótt er um í gegnum mínar síður Rannís.
Að styðja sókn íslenskra háskóla, stofnana og fyrirtækja í alþjóðlega rannsóknasjóði og samstarfsáætlanir sem Ísland greiðir þátttökugjald í.
Stjórnir Rannsóknasjóðs og Tækniþróunarsjóðs leggja til fjármagn til að styrkja vinnu við umsóknagerð.
Styrkhæfir aðilar eru þeir sem tilgreindir eru sem þátttakendur (participants) og/eða verkefnisstjóri (coordinator) á umsókn sem send hefur verið í alþjóðlegan rannsóknasjóð eða samstarfsáætlun.
Ef um er að ræða fleiri en einn íslenskan þátttakanda í verkefni skal sá aðili sem er tengiliður við verkefnisstjóra sækja um Sóknarstyrkinn.
Hægt er að sækja um eingöngu ferðastyrk eða umsóknastyrk eða hvort tveggja umsóknastyrk og ferðastyrk.
Sótt er um Sóknarstyrki eftir að umsókn hefur verið send í alþjóðlegan rannsóknasjóða eða samstarfsáætlun.
Eingöngu er tekið við umsóknum í gegnum rafrænt umsóknakerfi sjóðsins.
Skila þarf inn afriti af umsókn og staðfestingu á móttöku umsóknar frá viðkomandi sjóði.
Engin ein stofnun getur fengið úthlutað meira en 10% af heildar úthlutunarfé sjóðsins. Skólar innan stærri stofnana eins og Háskóla Íslands eru skilgreindir sem stofnun. Ef upphæð innsendra umsókna er hærri en fjárveiting sjóðsins er dreifing styrkja á milli stofnana tekin til greina.
