Vinnustofa fyrir umsækjendur í heilbrigðisköll
Vinnustofan sem er þann 12. mars næstkomandi er sérstaklega sniðin að umsækjendum sem eru að vinna að umsóknum með skilafrest í apríl 2024 bæði innan Horizon Europe og Innovative health initiative (IHI).
Vinnustofan fer fram á Teams þann 12. mars næstkomandi klukkan 13:00-15:30 að íslenskum tíma (14:00-16:30 CET).
Vinnustofan “Unlocking Success: Insider Insights for Winning Horizon Europe Health Proposals” er öllum opin en nauðsynlegt er að skrá sig. Markmiðið er að auka færni þátttakenda í að skrifa árangursríkar Horizon Europe umsóknir með áherslu á heilbrigðisvísindi. Sérstaklega verður farið í tiltekna þætti umsóknarinnar eins og gæði, áhrif og framkvæmd (excellence, impact, and implementation) undir leiðsögn sérfræðinga.
Fyrir hverja:
Hagaðila, sérstaklega verkefnastjóra (coordinators) og aðra sem eru að undirbúa umsókn með umsóknarfresti 11. apríl 2024.
Eins er vinnustofan opin öllum áhugasömum landstengiliðum Horizon Europe.
Viðburðurinn verður tekinn upp og gerður aðgengilegur á vef HNN 3.0.
