Upplýsingadagar Rannís fyrir Horizon Europe
Dagana 21. júní - 30. júní stendur Rannís fyrir opnum kynningarfundum á netinu um Horizon Europe þar sem farið verður yfir þjónustu Rannís og helstu áherslur hvers klasa (cluster). Fundirnir eru einkum ætlaðir starfsfólki háskóla, rannsóknastofnana og nýsköpunarfyrirtækja.
Meðal umfjöllunarefnis:
- Þjónusta Rannís
- Umsóknarferlið
- Meginefni hvers klasa
Að auki mun styrkþegi innan hvers klasa segja frá umsóknarferlinu, áskorunum og hindrunum og svara spurningum ef tími leyfir.
Dagsetningar upplýsingadaga:
- 21. júní kl: 10:00 - Stafræn tækni, iðnaður og geimur (Digital, Industry and Space)
- Kl 10:40 - Kynning á Digital Europe. Áætlunin miðar að því að byggja upp stafræna færni þátttökuþjóða og stuðla að breiðri notkun stafrænnar tækni fyrir íbúa og fyrirtæki í Evrópu. Áhersla verður lögð á gervigreind, netöryggi, skammtatölvur og stafrænar nýsköpunarmiðstöðvar.
- 21. júní kl: 14:00 - Samfélagslegt öryggi (Civil Security for Society)
- 22. júní kl: 10:00 - Heilbrigðisvísindi (Health)
- 22. júní kl: 14:00 - Félags- og hugvísindi (Culture, Creativity and Inclusive Society)
- 28. júní kl: 14:00 - Loftslagsmál, orka og samgöngur (Climate, Energy and Mobility)
- 29. júní kl: 14:00 - Fæðuöryggi, lífhagkerfið, náttúruauðlindir, landbúnaður og umhverfismál (Food, Bioeconomy, Natural Resources, Agriculture and Environment)
- 30. júní kl. 14:00 - Víðtækari þátttaka og efling evrópska rannsóknasvæðisins
(Widening Participation and Strengthening the European Research Area)
Nauðsynlegt er að skrá sig en aðgangur er ókeypis. Þau sem skrá sig á kynningarfund fá sendan hlekk á fundinn að morgni fundardags eða daginn áður. Bendum á að kynningarnar eiga margt sameiginlegt, sérstaklega hvað varðar þjónustu Rannís og umsóknarferlið. Kynningarnar fara fram á íslensku.
Mikilvægir viðburðir á vegum framkvæmdastjórnar ESB fyrir áhugasama umsækjendur í Horizon Europe:
Horizon Europe upplýsingadagar - 28. júní til 9. júlí 2021
Á upplýsingadögunum gefst umsækjendum og öðrum hagaðilum í rannsóknum og nýsköpun einstakt tækifæri til að fræðast um það sem er efst á baugi innan hvers klasa, um fjármögnunarferlið og hvernig bera á sig að við umsóknarferlið.
Upplýsingadagar Horizon Europe eru opnir öllum og ekki þarf að skrá sig á þá. Við hvetjum alla sem hug hafa á að sækja um í Horizon Europe að kynna sér vel dagskrá upplýsingadaganna.
Skoða Horizon Europe upplýsingadaga
Horizon Europe tengslaráðstefnudagar (Brokerage) - 5. júlí til 9. júlí 2021
Á tenglslaráðstefnudögunum er áherslan á mismunandi klasa innan Stoðar 2 - Áskoranir og samkeppnishæfni (Global Challenges and European Industrial Competitiveness). Þátttakendum gefst einstakt tækifæri til að hitta aðra umsækjendur innan síns sérsviðs, skiptast á hugmyndum og efla tengslanet innan rannsókna og nýsköpunar.
Nauðsynlegt er að skrá sig á tengslaráðstefnudagana. Við hvetjum alla sem hug hafa á að sækja um í Horizon Europe að kynna sér vel dagskrána og sitja þá viðburði sem við eiga.
