Upplýsingadagar og tengslaráðstefna Horizon Europe
Upplýsingadagar og tengslaráðstefna Framkvæmdastjórnar ESB verða haldnir 25.-29. október í tengslum við Horizon Europe umsóknir á sviði Stafrænnar tækni, iðnaðar og geims, Heilbrigðisvísinda og Fæðuöryggis, lífhagkerfis, landbúnaðar og umhverfismála. #HorizonEu
Rannís vekur athygli á rafrænum upplýsingadögum, tengslaráðstefnu og fyrirtækjastefnumóti fyrir styrkumsóknir í eftirfarandi málaflokka innan Horizon Europe:
- Fæðuöryggi, lífhagkerfið, náttúruauðlindir, landbúnaður og umhverfismál (Food, Bioeconomy, Natural Resources, Agriculture and Environment), upplýsingadagar verða haldnir 25-26. október og tengslaráðstefna 27. október. Allar nánari upplýsingar
- Heilbrigðisvísindi (Health), upplýsingadagurinn er 28. október og tengslaráðstefna 29. október. Allar nánari upplýsingar
- Stafræn tækni, iðnaður og geimur (Digital, Industry and Space), uppýsingadagur og fyrirtækjastefnumót er 28. október á vegum Tyrkneska rannsóknaráðsins.
Allar nánari upplýsingar
Markmið viðburðanna er að veita upplýsingar um komandi umsóknarfresti í Horizon Europe, og mun Framkvæmdastjórn ESB svara spurningum umsækjenda um köllin (e. call for proposals). Einnig fara fram tengslaráðstefnur (e. brokerage) þar sem að áhugasömum umsækjendum gefst tækifæri að komast í kynni við aðra mögulega umsækjendur með það að markmiði að setja saman samstarfshóp um umsóknirnar. Lágmarks þriggja landa samstarf er nauðsynlegt fyrir umsóknir í Horizon Europe. Þátttaka er ókeypis og opin fræðimönnum, sérfræðingum og fyrirtækjum í málaflokknum. Jafnframt er oft óskað eftir í samstarf sérfræðingum og fyrirtækjum á sviði vísindamiðlunar, tækni- og hugbúnaðarlausna, frá hug- og félagsvísindagreinum, félagasamtökum og sveitafélögum, Rannís veitir frekari upplýsingar um þessa viðburði og umsóknir í Horizon Europe.
