Rannsóknastofnanir, háskóla, lítil og meðalstór fyrirtæki sem stuðla að rannsóknum og nýsköpun á sviði jarðhita.
Hlutverk Geothermica er að efla rannsóknir og þróun á sviði jarðvarma og stuðla að hagnýtingu niðurstaðna styrktra verkefna.
Lokað er fyrir umsóknir.
Sótt er um rafrænt í gegnum umsóknarkerfi Rannís (ath. ekki í gegnum Mínar síður).
Nánari upplýsingar um umsóknarfresti á vefsvæði Geothermica.
Markmið Geothermica er að stuðla að rannsóknum og nýsköpun á sviði jarðhita til að gera jarðhita áreiðanlegan, öruggan og samkeppnishæfan. GEOTHERMICA er samstarfsverkefni 17 stofnana frá 16 löndum.
Styrkir til innlendra aðila eru fjármagnaðir af Tækniþróunarsjóði og falla umsóknir innlendra aðila í Geothermica undir reglur Tækniþróunarsjóðs um Vöxt.
Hámarksupphæð er allt að 15 milljónir króna á ári til allt að þriggja ára. Undantekning á reglum um Vöxt er að aðalumsækjandi verkefnisins þarf ekki að vera fyrirtæki, heldur má vera háskóli eða rannsóknastofnun. Reglur um mótframlag ráðast af eðli verkefnisins og tegund umsækjenda (sjá nánar töflu 1 á bls. 8 í reglum um styrktarflokkinn Vöxt).
