Vísindafólk og rannsakendur.
Euraxess starfatorgið er vefgátt þar sem vísindafólk getur leitað að áhugaverðum störfum, skráð upplýsingar um sig í gagnagrunn og jafnframt nálgast hagnýtar upplýsingar um líf og störf í yfir 50 löndum.
Á EURAXESS-starfatorginu er hægt að leita að upplýsingum um laus rannsóknarstörf og styrki. Vísindamenn geta leitað að áhugaverðum störfum en geta einnig skráð upplýsingar um sig í gagnagrunn sem fyrirtæki og stofnanir leita í. Hér er tengill í heimasíðu Evrópska rannsóknastarfatorgsins.
EURAXESS heldur jafnframt úti upplýsingasíðum í yfir 50 löndum þar sem vísindafólk á faraldsfæti getur nálgast ýmsar hagnýtar upplýsingar um líf og störf í viðkomandi landi.
Rannís veitir erlendu vísindafólki sem hefur áhuga á rannsóknarstörfum og styrkjum á Íslandi fjölþætta þjónustu. Hér má finna upplýsingar um þjónustu EURAXESS á Íslandi.
