Framhaldsskóla og faggreinafélög framhaldsskólakennara sem bjóða endurmenntun, fyrirlestra og ráðstefnur.
Hægt er að sækja um styrki til að skipuleggja sumarnámskeið framhaldsskólakennara, gestafyrirlestur á vegum fagfélags, þátttöku í ráðstefnum og vettvangsnám. Sótt er um ráðstefnu- og gestafyrirlesarastyrki að hausti en fyrir styrki til að halda sumarnámskeið að vori.
Lokað er fyrir umsóknir um ráðstefnu- og gestafyrirlesarastyrki. Lokadagur umsókna var 7. október 2024 kl.15:00
Að tryggja framboð af endurmenntun til handa framhaldsskólakennurum.
Fagfélög kennara, framhaldsskólar og menntastofnanir.
Ráðstefnur : Faggreinafélög geta sótt um styrk fyrir 1-2 félagsmenn til að sækja ráðstefnu eða námskeið erlendis og skólameistarar geta tilnefnt 1-2 kennara til að sækja ráðstefnu eða námskeið erlendis. Ath. að ferðist tveir einstaklingar, skulu þeir fara á sömu ráðstefnu / námskeið.
Gestafyrirlestrar: Aðeins faggreinafélög kennara geta sótt um styrk til að fá gestafyrirlestur. Frá og með árinu 2024 munu skólar ekki geta sótt um styrk vegna gestafyrirlesturs.
Um er að ræða fastar styrkupphæðir:
Sumarnámskeið: SEF styrkir og getur skipulagt styttri og lengri símenntunarnámskeið fyrir framhaldsskólakennara, s.s. nám samhliða kennslu (vettvangsnám) sem fer fram á starfstíma skóla og nær yfir heilt skólaár. SEF úthlutar einnig styrkjum til fagfélaga og skóla. Fagfélög geta sótt um styrk til að halda greinabundin sumarnámskeið og framhaldsskólar geta sótt um styrk til að halda námskeið fyrir kennara sína. Stjórn SEF tekur afstöðu til hverrar umsóknar fyrir sig. Ekki eru veittir einstaklingsstyrkir.
Styrkir til endurmenntunar eru veittir á grundvelli ákvörðunar um framlög á fjárlögum hvers árs. Skilyrði er að skilað sé inn rafrænni umsókn.
